मनकामना केबलकार बिहीबार र शुक्रबार बन्द हुने- समाचार - कान्तिपुर समाचार

मनकामना केबलकार बिहीबार र शुक्रबार बन्द हुने

कान्तिपुर संवाददाता

काठमाडौँ — मनकामना केबलकार सेवा दुई दिन बन्द हुने भएको छ । आज र भोलि विजया दशमीका दिन बन्द गरिने भएको हो ।

केबलकार असोज ३० गतेदेखि पुनः नियमित सञ्चालन हुने मनकामना दर्शन प्रालिले जनाएको छ ।

प्रकाशित : आश्विन २८, २०७८ ०७:५८
प्रतिक्रिया
पठाउनुहोस्

नवरात्रमा पाल्पाको भैरवस्थानमा भक्तजनको भीड

माधव अर्याल

पाल्पा — अघिल्लो वर्ष दसैंमा मन्दिर जान नपाएहरुका कारण पनि यसवर्ष पाल्पाका मन्दिर, कोतघरलगायत देवीका मन्दिरमा भीड बढेको छ । घटस्थापनादेखि पाल्पाको भैरवस्थान मन्दिरमा दैनिक सयौंको संख्यामा भक्तजन पुग्ने गरेका छन् ।

भैरव मन्दिर पाल्पाली सेनवंशीय अन्तिम राजा मणिमुकुन्द सेनले स्थापना गरेका हुन् । हिन्दू धर्मालम्बीहरुको आस्थाको धरोहरका रुपमा यसलाई चिनिन्छ । आफ्नो मनोकांक्षा पूरा होस् र पूरा भएपछि रोट, बलि, पञ्चबलि चढाउने गरिएको मन्दिर व्यवस्थापन समितिका व्यवस्थापक मीनबहादुर बुढाथोकीले बताए ।

अरु बेलाभन्दा दसैंमा भैरवस्थानमा बढी भीड लाग्ने गरेको छ । योबाहेक पनि वैशाख र मंसिर महिनामा दर्शानार्थीको भीड लाग्छ । पश्चिम नेपालकै शत्तिपीठका रुपमा भैरवस्थानलाई लिइने गरिन्छ । मन्दिरमा दर्शनका लागि नेपालमा धेरै जिल्लाबाट आउने गर्दछन् । दर्शनार्थीको सुविधाका लागि रोट पकाउने, बलिका लागि बोका, कुखुरासमेत व्यवस्था छ ।

मन्दिरमा मानापाथीका रोट पकाउन लगाएर चढाउने गरिन्छ । मन्दिर परिसरमा सुन्दर बगैँचा पनि छ । मन्दिरको ४ सय वर्ष पुरानो इतिहास छ । भैरवस्थान मन्दिर तानसेनदेखि ९ किलोमिटरको दूरीमा रहेको छ ।


प्रकाशित : आश्विन २८, २०७८ ०७:५१
पूरा पढ्नुहोस्
प्रतिक्रिया
पठाउनुहोस्
×