चितुवाको आक्रमणबाट तनहुँमा ९ वर्षीया बालिकाको मृत्यु

सोमबार साँझ करिब ६:१५ बजे चितुवाले आक्रमण गर्दा स्वीकृति थापा मगरको मृत्यु भएको गाउँपालिका अध्यक्ष पूर्णसिंह थापाले जानकारी दिए ।

साँझको समयमा एक्लै छिमेकीको घरमा मासु लिन जाँदै गरेकी बालिकालाई अचानक चितुवाले आक्रमण गरी सडकबाट तल जंगलमा लगेको र मृत्यु भएको अवस्थामा बालिकालाई भेटिएको बताइएको छ । सोही गाउँपालिकामा यसअघि चितुवाको आक्रमणमा परी एक जनाको मृत्यु भएको छ भने दुइ जना घाइते भएका छन् ।