रुबी खानलाई २४ घण्टाभित्र उपस्थित गराउन प्रहरीलाई सर्वोच्चको आदेश- समाचार - कान्तिपुर समाचार

रुबी खानलाई २४ घण्टाभित्र उपस्थित गराउन प्रहरीलाई सर्वोच्चको आदेश

कान्तिपुर संवाददाता

काठमाडौँ — माइतीघर मण्डलाबाट शुक्रबार राति पक्राउ परेकी नेपालगन्जकी रुबी खानलाई २४ घण्टाभित्र सशरीर अदालतमा उपस्थित गराउन प्रहरीलाई सर्वोच्च अदालतले आदेश दिएको छ ।

पक्राउपछि रुबीको अवस्था अज्ञात भएको भन्दै अधिवक्ता मोहना अन्सारीले दिएको बन्दी प्रत्यक्षीकरणको निवेदनमाथि सुनुवाइ गर्दै सर्वोच्च अदालतले आइतबार प्रहरी वृत्त लैनचौर काठमाडौंमाथि यस्तो आदेश दिएको हो । सर्वोच्च अदालतका न्यायाधीश दीपककुमार कार्कीको एकल इजलासले महानगरीय प्रहरी वृत्त लैनचौरलाई कारण देखाऊ आदेश जारी गरेको हो ।

बाँके जिल्ला नेपालगन्ज उपमहानगरपालिका ७ स्थायी बासिन्दा रुबीलाई शुक्रबार राति प्रहरीले पक्राउ गरेपछि उनको अवस्था सार्वजनिक गर्न माग गर्दै शनिबार र आइतबार माइतीघरमा प्रदर्शनसमेत भएको छ ।

प्रहरीले भने हालसम्म यसबारे कुनै प्रतिक्रिया दिएको छैन । रुबी खानसहित नेपालगन्जबाट १४ महिला २० दिनको पैदल यात्रा गरी गत बुधबार राति न्याय माग्न भन्दै काठमाडौं आइपुगेका थिए ।

न्याय खोज्न नेपालगन्जदेखि सिंहदरबारसम्म पैदल

मृतक नन्कुन्नी धोबी र एकल महिला निर्मला कुर्मीको अवस्थाबारे छानबिन तथा अनुसन्धान गर्न माग गर्दै उनीहरु नेपालगन्जबाट २० दिनको पैदलयात्रा गरी काठमाडौं आइपुगेका हुन् । हत्यामा संलग्न दोषीलाई तुरुन्त पक्राउ गरी कारबाही गरियोस् भन्दै पीडितहरूले आवाज उठाउँदा अपमानित गरेको, अभद्र व्यवहार गरेको र अधिकारकर्मीलाई झुटा मुद्दामा फसाएको भन्दै बाँके जिल्ला प्रहरी प्रमुख श्यामकृष्ण अधिकारी र डीएसपी मधुसूदन न्यौपानेलाई तुरुन्त विभागीय कारबाही गर्नसमेत पीडितले माग राखेका छन् ।

न्याय खोज्दै माइतीघरमा रिले अनशनमा बसेकालाई मध्यरातमा मानव सेवा आश्रम लगियो


सर्वोच्चको आदेश


प्रकाशित : आश्विन २४, २०७८ १५:३८
प्रतिक्रिया
पठाउनुहोस्

हिरासतभित्रै थुनुवाको मृत्यु प्रकरण : प्रहरी र प्रदर्शनकारीबीच झडप, दर्जन बढी घाइते

कान्तिपुर संवाददाता

सुनसरी — प्रहरी हिरासतभित्रै थुनुवाको मृत्यु भएपछि आन्दोलित भएका आफन्त र प्रहरीबीच झडप हुँदा दर्जन बढी घाइते भएका छन् । पीडित परिवारले ढुंगा प्रहार गर्न थालेपछि दोहोरो झडप भएको हो ।

स्थितीलाई नियन्त्रणमा लिन प्रहरीले दर्जनबढी अश्रुग्यास प्रहार गरेको छ । झडपमा परी दर्जन बढी प्रहरी र प्रदर्शनकारी घाइते भएको जिल्ला प्रहरी कार्यालय सुनसरीले जनाएको छ । प्रहरीले प्रर्दशनकारीलाई लखेट्न आधा दर्जन बढी अश्रुग्यास प्रहार गरेको जनाएको छ । प्रहरीले मृतक मियाँको शव उठाएर पोष्टमार्टमका लागि बीपी कोइराला स्वास्थ्य विज्ञान प्रतिष्ठान ल्याएको छ ।

आइतबार बिहानैदेखि इनरुवा तनावग्रस्त बनेको छ । १२ दिनदेखि थुनामा रहेका २२ वर्षीय मोहम्मत हाकिम मियाँको आइतबार बिहान ३ बजेर १७ मिनेटमा जिल्ला प्रहरी कार्यालयको थुनुवा कक्षमा झुण्डिएर मृत्यु भएपछि मृतकका आफन्तले कार्यालय अगाडि नारा जुलुस लगाउँदै आन्दोलित भएका हुन् ।उनी हिरासतबाट छुट्ने दिनमै मृत्यु भएपछि आफन्तले षड्यन्त्र भएको आरोप लगाएका छन् । इनरुवाका स्थानीय बासिन्दा इजरायल मन्सुरीकाअनुसार एकजना खत्वे समुदायकी १९ वर्षीया युवतीसँग प्रेम भएपछि दुवैजना भागेका थिए । तर, प्रहरीले धनकुटाबाट पक्राउ गरेर ल्याएको थियो । विवाहका लागि केटीको उमेर नपुगेकाले प्रहरीले अभिभावकलाई जिम्मा लगाएका थिए । मियाँलाई भने प्रहरी र केटीपक्षले अभद्र व्यवहार अन्तर्गत मुद्दा दायर गरेका थिए ।

जिल्ला प्रहरी कार्यालयका एक प्रहरी अधिकृतले भने, ‘मियाँको मृत्यु कसरी भयो भन्ने सबै कुरा हिरासतभित्र राखिएको सिसिटिभि फुटेजमा देखिएको छ । उनी बिहान उठेर शौचालय गएको देखिन्छ । त्यसपछि फर्केर आएर गाम्छाले बेरिएर हिरासतभित्रै आत्महत्या गरेको देखिएको छ । त्यसबेला हिरासतभित्र अरु थुनुवा भने बिहानै भएकाले अरु सुतिरहेका थिए ।’

यसैबीच, मृतक मियाँका आफन्तहरूले इनरूवा-९ बबियास्थित केटी पक्षको गोदाममा आगजानी गरेका छन् । सुनसरीका एसपी सञ्‍जयसिंह थापाका अनुसार गोदममा लगाइएको आगो नियन्त्रणमा आइसकेको छ । 'आन्दोलनकारीहरूले केटी पक्षको घरमा पनि आगजनी र तोडफोड गर्न खोजेका थिए तर प्रहरी तैनाथ गरिएकाले क्षति हुनबाट जोगियो,' एसपी थापाले भने ।

प्रकाशित : आश्विन २४, २०७८ १५:३८
पूरा पढ्नुहोस्
प्रतिक्रिया
पठाउनुहोस्
×