२४ घण्टामा नेपालमा ६३६ कोरोना संक्रमित, ११ जनाको मृत्यु

यस्तै ५ हजार ८६३ एन्टिजेन परीक्षणमा १२४ जनामा संक्रमण पुष्टि भएको छ । पीसीआर र एन्टिजेन विधिबाट गरिएको १२ हजार ३१ परीक्षणमा ७६० संक्रमित भएका छन् । यो सँगै नेपालमा कोरोना संक्रमितको संख्या ८ लाख १ हजार ६३३ पुगेको छ ।

२४ घण्टामा थप ८९९ जना संक्रमणमुक्त भएका छन् । हालसम्म निको हुनेको संख्या ७ लाख ७५ हजार ७२ रहेको छ । नेपालमा कोरोना संक्रमणबाट थप ११ जनाको मृत्यु भएको छ । हालसम्म कोरोनाबाट मृत्यु हुनेको संख्या ११ हजार २२१ पुगेको छ ।

हालसम्म देशभर ४२ लाख ७९ हजार ७०१ नमुनाको पीसीआर परीक्षण भएको छ । क्वारेन्टाइनमा २३६ जना रहेका छन् भने आइसोलेसनमा रहनेको संख्या १५ हजार ३४० छ ।

२४ घण्टामा खोप लगाएकाको संख्या ९० हजार ९९३ रहेको छ ।