कांग्रेस बझाङको सभापतिमा खडक बोहरा निर्वाचित

बझाङका कांग्रेस नेता तथा पूर्व राज्यमन्त्री नरेशबहादुर सिंह र पूर्व जिल्ला सभापति पृथ्वीबहादुर सिंहले भण्डारीलाई समर्थन गरेका थिए भने बोहरालाई पूर्व राज्यमन्त्री अर्जुनजंगबहादुर सिंहसँगै वरिष्ठ नेता रामचन्द्र पौडेल समूहका नेताहरू सत्यराज भण्डारी, सुरेश मल्ल, सांसद प्रकाश स्नेही रसाइली र संविधानसभा सदस्य चन्द्रा जोशीको साथ थियो ।

देउवा समूहकै दुई जना सभापतिका उम्मेदवार भएपछि बझाङ कांग्रेसमा नेतृत्व चयन रोमाञ्चक बनेको थियो । निर्वाचनमा कूल १ हजार ५ सय ९८ मतदातामध्ये १ हजार ४ सय ५ मत खसेको थियो ।