नवराज सिलवाल भन्छन्- मैले रन्जित रेलाई कहिल्यै भेटेको छैन

सिलवालले लेखेका छन्, "पूर्वभारतीय राजदूत रन्जित रेको किताब, 'काठमाडौं डिलेमा रिसेटिङ इन्डिया-नेपाल टाइज' मा गलत तथ्य उल्लेख भएकोमा दु:ख व्यक्त गर्न चाहन्छु । अफिसियल मिटिङ र समारोह वाहेक व्यक्तिगत विषयलाई लिएर मैले भारतीय राजदूतलाई कहिल्यै नभेटेको तथ्य सम्बन्धित सबैको जानकारीका लागि अनुरोध गर्दछु ।"

आइतबार इकान्तिपुरमा प्रकाशित रेको नयाँ पुस्तक ‘काठमाडौं डिलेमा रिसेटिङ इन्डिया–नेपाल टाइज’ मा सिलवालबारे सूचना समाचारका रुपमा सार्वजनिक भएपछि सिलवालले असहमति जनाएका हुन् । यसअघि कांग्रेस उपभासपति विमलेन्द्र निधिले पनि आफू गृहमन्त्री हुँदा तत्कालीन भारतीय राजदूत रञ्जित रेलाई आईजीपी बनाउने भन्नेबारे कुनै राय नमागेको बताएका छन् ।