राजनीतिक दल सम्बन्धी अध्यादेश खारेज- समाचार - कान्तिपुर समाचार

राजनीतिक दल सम्बन्धी अध्यादेश खारेज

कान्तिपुर संवाददाता

काठमाडौँ — राष्ट्रपति विद्यादेवी भण्डारीले राजनीतिक दल सम्बन्धी अध्यादेश खारेज गरेकी छन् । सरकारको सिफारिसमा राष्ट्रपति भण्डारीले अध्यादेश खारेज गरेकी हुन् ।

सोमबारको मन्त्रिपरिषद् बैठकले अध्यादेश फिर्ता लिने निर्णय गरेको थियो । प्रधानमन्त्रीको सिफारिसमा नेपालको संविधानको धारा ११४ को उपधारा (२) को खण्ड (ख) बमोजिम राजनीतिक दलसम्बन्धी (दोस्रो संशोधन) अध्यादेश, २०७८ खारेज गरिएको राष्ट्रपति कार्यालयका प्रवक्ता जगन्नाथ पन्तले विज्ञप्ति मार्फत जानकारी दिएका छन् ।

प्रकाशित : आश्विन ११, २०७८ २०:४६
प्रतिक्रिया
पठाउनुहोस्

घटस्थापनादेखि हल खुल्ने, पहिलो फिल्म अंग्रेजी  

फूलपातीको दिनदेखि 'डाँडाको बर पिपल' प्रदर्शन
कान्तिपुर संवाददाता

काठमाडौँ — घटस्थापनाको दिन(असोज २१)देखि देशभरका हल खुल्ने भएका छन् । अंग्रेजी फिल्म 'फास्ट एण्ड फ्युरियस ९' प्रदर्शन गर्दै देशभरका हल खुल्ने भएको चलचित्र संघका महासचिव अशोक शर्माले बताए । 

'अंग्रेजी फिल्मबाट हलहरु खुल्नेछन् । अहिलेसम्म खासै नेपाली फिल्महरुको प्रदर्शन टुंगो लागिसकेको छैन । सोभित बस्नेतको फिल्म फूलपातीमा लाग्छ,'उनले भने ।

स्वास्थ्य सुरक्षाका मापदण्ड अपनाएर नै हल खोल्ने तयारी रहेको शर्माले बताए । उनका अनुसार हलमा दुई नेपाली फिल्म एकै मितिमा भिड्नु पाउनेछैनन् । निर्माता जोगाउनका लागि आफूहरुले हल खुलेको तीन महिनासम्म यो नियम लागू गर्नेसमेत बताए ।

'अंग्रेजी र हिन्दी फिल्ममा त्यो नियम लागू हुन्न । तर नेपाली फिल्महरु एउटै मितिमा प्रदर्शन गर्न पाइने छैन । कम्तिमा २ हप्तासम्म एउटा नेपाली फिल्मले हलमा समय पाउने छ । त्यसपछि मात्र अर्को फिल्म प्रदर्शनमा ल्याउन सकिन्छ,'शर्माले भने ।

यसअघि उपत्यकाभित्रको हलहरु खोल्न पाइने काठमाडौं, भक्तपुर र ललितपुरका प्रमुख जिल्ला अधिकारीले निर्णय गरेको थियो । तर चलचित्र संघ नेपालभरको हल खोल्ने अनुमति नदिएको भन्दै पुन: बन्द गर्ने निर्णयमा पुगेको थियो ।

कोरोना महामारीबीच पनि हल खुलेको थियो । तर, निर्माताहरुले फिल्म प्रदर्शन नगर्दा हल बन्द भयो । घटस्थापनाको दिनदेखि हल खोल्ने भनिए पनि अझै फिल्महरुको प्रदर्शन पक्का भइसकेको छैन । निर्देशक बस्नेतले भने फूलपातीको दिनदेखि 'डाँडाको बर पिपल' प्रदर्शनमा ल्याउने घोषणा गरिसकेको छ ।

प्रकाशित : आश्विन ११, २०७८ २०:४०
पूरा पढ्नुहोस्
प्रतिक्रिया
पठाउनुहोस्
×