कांग्रेस अधिवेशन : तेह्रथुमका सबै पालिकामा सर्वसम्मत नेतृत्व
काठमाडौँ — तेह्रथुमका सबै स्थानीय तहमा कांग्रेसले सर्वसम्मत नेतृत्व चयन गरेको छ । दुई नगरपालिका र चार गाउँपालिका रहेको जिल्लाका सबै स्थानीय तहमा सर्वसम्मत नेतृत्व चयन भएको तरुण दलका जिल्ला अध्यक्ष विपिन निङ्लेकुले जानकारी दिए ।
उनका अनुसार म्याङलुङ नगरपालिका सभापतिमा इन्द्रराज लिम्बू र लालीगुराँस नगरपालिकाको सभापतिमा अम्बरबहादुर गुरुङ निर्वाचित भएका छन् । त्यस्तै, आठराई गाउँपालिकामा दिलकुमार पाहिम, फेदाप गाउँपालिकामा महेन्द्र फोम्बो, मेन्छ्यायेम गाउँपालिकामा तारकबहादुर सम्बाहाम्फे र छथर गाउँपालिकामा रामचन्द्र भट्टराई सभापति निर्वाचित भएका छन् । यसअघि जिल्लाका ४३ वटै वडामा पनि सर्वसम्मत नेतृत्व चयन भएको थियो ।
प्रतिक्रिया