कांग्रेस स्थानीय तहको अधिवेशन : काठमाडौंमा १६ गते, सिन्धुपाल्चोकमा स्थगित
काठमाडौँ — कांग्रेसले शनिबार ६४ जिल्लामा एकैसाथ गाउँपालिका र नगरपालिकाहरुको अधिवेशन गर्ने कार्यक्रम छ । तर, काठमाडौं र सिन्धुपाल्चोकमा भने शनिबार पालिका तहको अधिवेशन नहुने भएको छ ।
जिल्ला निर्वाचन समितिले काठमाडौंमा तयारी नपुगेका कारण शनिबारका लागि तोकिएको अधिवेशन १६ असोजमा गर्ने मिति तोकेको छ ।
त्यस्तै, सिन्धुपाल्चोकमा भने अधिवेशन कहिले हुने भन्ने निश्चित छैन । निर्वाचन अधिकृत छविरमण निरौलाले शनिबारका लागि तोकिएको अधिवेशन प्राविधिक कारणले भन्दै अर्को मिति नतोकिएसम्मका लागि स्थगित भएको बताए ।
प्रकाशित : आश्विन ८, २०७८ १९:५०प्रतिक्रिया