२४ घण्टामा नेपालमा ९ सय ४१ मा कोरोना पुष्टि, १ हजार ३२४ संक्रमणमुक्त, १३ जनाको मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement

२४ घण्टामा नेपालमा ९ सय ४१ मा कोरोना पुष्टि, १ हजार ३२४ संक्रमणमुक्त, १३ जनाको मृत्यु

कान्तिपुर संवाददाता

काठमाडौँ — पछिल्लो २४ घण्टामा नेपालमा ९ सय ४१ जनामा कोरोना भाइरस संक्रमण देखिएको छ । स्वास्थ्य मन्त्रालयका अनुसार ११ हजार ६२९ पीसीआर परीक्षणमा बिहीबार थप ९ हजार ४१ जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या ७ लाख ८८ हजार ७६९ पुगेको छ ।

यस्तै एन्टिजेन विधिद्वारा गरिएको ३ हजार ६२४ परीक्षणबाट २९८ जनामा पोजिटिभ देखिएको छ । २४ घण्टामा पीसीआर र एन्टिजेन विधिबाट गरिएको १५ हजार २४३ परीक्षणमा १ हजार २३९ जनामा संक्रमण पुष्टि भएको मन्त्रालयले जनाएको छ ।

पछिल्लो २४ घण्टामा थप १ हजार ३२४ जना संक्रमणमुक्त भएका छन् । हालसम्म निको हुनेको संख्या ७ लाख ५६ हजार ९५४ रहेको छ । नेपालमा कोरोना संक्रमणबाट थप १३ जनाको मृत्यु भएको छ । हालसम्म कोरोनाबाट मृत्यु हुनेको संख्या ११ हजार ७२ पुगेको छ ।

हालसम्म देशभर ४१ लाख ३६ हजार २०८ नमुनाको पीसीआर परीक्षण भएको छ । क्वारेन्टाइनमा २४६ जना रहेका छन् भने आइसोलेसनमा रहनेको संख्या २० हजार ७४३ रहेको छ ।



प्रकाशित : आश्विन ७, २०७८ १६:२४
प्रतिक्रिया
पठाउनुहोस्

अफगानिस्तानमाथिको प्रतिबन्ध छिट्टै खुलाऊ: चीन

कान्तिपुर संवाददाता

काठमाडौँ — चिनियाँ विदेशमन्त्री वाङ यीले अफगानिस्तानमाथि लगाइएका प्रतिबन्ध जतिसक्दो चाँडै हटाउनुपर्ने बताएका छन् । जी २० देशका विदेशमन्त्रीहरुको भर्चुअल बैठकमा उनले यस्तो बताएका हुन् ।

फाइल तस्बिर : रोयटर्स

यस क्रममा नेता वाङले अफगानिस्तानमाथि आर्थिक प्रतिबन्ध हटाउनुपर्ने बताए । अफगानिस्तानको विदेशी मुद्रा भण्डार त्यहीँको सम्पत्ति रहेको र त्यसमा अफगान नागरिककै अधिकार हुने नेता वाङले बताए ।

अगस्ट १५ मा तालिबानले सत्ता कब्जा गरेपछि अन्तर्राष्ट्रिय मुद्रा कोषसहित अमेरिका र अन्य केही देशले अफगानिस्तानको एकाउन्ट फ्रिज गरिदिएका छन् । गत महिना चिनियाँ विदेश मन्त्रालयका प्रवक्ता हुआ चुन्यीङले तालिबानले चीनसँग सुमधुर सम्बन्ध बनाउन निरन्तर आशा व्यक्त गरेको बताएका थिए ।

नेता वाङले आफ्नो भाग्यको फैसला गर्ने अफगान जनताको अधिकारको चीनले सम्मान गर्ने समेत बताएका थिए । साथै, आफूहरु अफगानिस्तानसँग मित्रतापूर्ण सम्बन्ध कायम गर्ने उनको भनाइ थियो । यसअघि तालिबानका प्रवक्ता सुहेल शाहीनले अफगानिस्तानमा शान्ति र मेलमिलाप बढाउन चीनले रचनात्मक भूमिका खेलेको प्रतिक्रिया दिएका थिए ।

प्रकाशित : आश्विन ७, २०७८ १६:२२
पूरा पढ्नुहोस्
प्रतिक्रिया
पठाउनुहोस्
×