नेकपा एसको केन्द्रीय कमिटीको पहिलो बैठक बस्दै- समाचार - कान्तिपुर समाचार

नेकपा एसको केन्द्रीय कमिटीको पहिलो बैठक बस्दै

कान्तिपुर संवाददाता

काठमाडौँ — नेकपा एमालेबाट विभाजित भएर बनेको नेकपा (एकीकृत समाजवादी) केन्द्रीय कमिटीको पहिलो बैठक मंगलबार बस्दैछ ।

बुद्धनगरमा दिउँसो २ बाट सुरु हुने बैठकमा केन्द्रीय सदस्यहरुको सपथग्रहणको कार्यक्रम छ । त्यसैगरी राजनीतिक प्रस्ताव प्रस्तुत गर्ने कार्यक्रम रहेको छ ।

त्यसैगरी, केन्द्रीय कमिटीको विस्तार र आवधिक कार्ययोजना र समसामयिक प्रस्तावमाथि छलफल हुने कार्यक्रम रहेको प्रचार विभागका प्रमुख जगन्नाथ खतिवडाले बताए ।

पूर्वप्रधानमन्त्री माधवकुमार नेपालको नेतृत्वमा एमालेबाट विभाजित भएर नेकपा(एस) भदौ ९ गते गठन भएको हो ।

प्रकाशित : आश्विन ५, २०७८ ११:५४
प्रतिक्रिया
पठाउनुहोस्

क्यान्सरपीडितलाई १५ लाख

कान्तिपुर संवाददाता

पाल्पा — ब्लड क्यान्सरपीडतका लागि १५ लाख रुपैयाँ सहयोग जुटेको छ । रामपुर नगरपालिका–५, रानाटोलका पीडित बालक अंकित रानाको उपचारका लागि उक्त सहयोग जुटेको हो । ६ वर्षीय बालक रानामा गत चैतमा ब्लड क्यान्सर देखिएको थियो । 


सामान्य परिवारका उनको उपचारमा समस्या भएपछि परिवारले सहयोगको आग्रह गरेका थिए । नेपाल मगर संघ र एकीकृत मगर उत्थान समाज रामपुरसँगको समन्वयमा पीडित रानाको उपचारका लागि १५ लाख ८७ हजार २ सय ४९ रुपैयाँ सहयोग जुटेको हो ।

गत चैत महिनादेखि चितवनमा नियमित उपचार गराउँदै आएकामा रकम अभाव हुन थालेपछि छोराको उपचारका लागि सहयोग गरिदिन घरपरिवारले आग्रह गरेको अंकितकी आमा लीला रानाले बताइन् । ‘अहिले केही सुधार भएपछि छोरालाई घरमै ल्याएका छौं,’ उनले भनिन् । रामपुर नगरपालिकाका नगर प्रमुख रमणबहादुर थापासहितका सहयोग गर्ने व्यक्ति र संस्थाले संकलित रकम घरमै पुगेर बिरामी अंकित र आमा लीलालाई हस्तान्तरण गरेका हुन् ।


प्रकाशित : आश्विन ५, २०७८ ११:५३
पूरा पढ्नुहोस्
प्रतिक्रिया
पठाउनुहोस्
×