नेपाल–भारत संयुक्त सैनिक अभ्यास सुरु - समाचार - कान्तिपुर समाचार
कान्तिपुर वेबसाईट
AdvertisementAdvertisement

नेपाल–भारत संयुक्त सैनिक अभ्यास सुरु 

कान्तिपुर संवाददाता

काठमाडौँ — कोभिड–१९ को कारणले रोकिएको नेपाली सेना र भारतीय सेनाबीचको संयुक्त सैनिक अभ्यास सुरु भएको छ । भारतको उत्तराखण्डस्थित पिथौरागढमा सोमबारबाट सैन्य अभ्यास सुरु भएको छ । 

‘सूर्यकिरण’ नाम दिइएको उक्त अभ्यास १७ गतेसम्म चल्ने छ । नेपाल–भारत १५ औं ‘सूर्यकिरण’ संयुक्त अभ्यासमा भाग लिन नेपाली सेनाको टोली स्थलमार्ग हुँदै २ गते पिथौरागढ पुगेको थियो ।

भारतीय सेनाद्वारा सोमबार जारी विज्ञप्ती अनुसार दुवै मुलुकबाट गरी करिब ६ सय ५० जना संख्यामा रहेको सैनिक टोलीले संयुक्त अभ्यास गर्ने छन् । जसमा नेपालबाट ३०० जनाको सैनिक टोली गएको छ । संयुक्त अभ्यासमा आपसी सञ्चालन क्षमताको विकास, आपसी आतंकवाद विरुद्धको गृहकार्य र विपद् व्यवस्थापन सम्बन्धी क्षेत्रमा हुने भारतीय सेनाले जनाएको छ ।

सैनिक प्रवक्ता पौडेलका अनुसार भारतको उत्तराखण्डस्थित पिथौरागढमा हुन लागेको १५ औं सूर्यकिरण संस्करणमा दुवै मुलुककातर्फबाट बटालियन स्तरको सहभागिता भएको प्रष्ट पारे ।

‘अहिले गरेको चाहिँ बटालियन स्तरको संयुक्त प्रशिक्षण हो, नेपालबाट ३०० जनाको पल्टन अभ्यासमा गएको छ, जसमा तीनवटा कम्पनी छन्,’ उनले भने । नेपाली सेना र भारतीय सेना दुवै पक्षबाट अभ्यासमा महासेनानीले नेतृत्व गरेका छन् ।

प्रकाशित : आश्विन ४, २०७८ १८:१७
प्रतिक्रिया
पठाउनुहोस्

१४ रोहिंग्या शरणार्थी नेपाल ओसार्ने तीन पक्राउ

कान्तिपुर संवाददाता

काठमाडौँ — प्रहरीको केन्द्रीय अनुसन्धान ब्युरोले बंगालादेशमा शरणार्थी जीवन बिताइरहेका म्यानमारका रोहिंग्या शरणार्थीहरुलाई अमेरिका लैजाने भन्दै नेपाल ल्याएर मानव तस्करी गर्ने तीनजनालाई पक्राउ गरेको छ ।

ब्युरोले कपनस्थित राममन्दिर छेउ बस्ने सकिफ आलम र डल्लु बस्ने अजमत उल्लाहलाई शनिबार र कपनस्थित राम मन्दिर छेउ बस्ने नोरुल अमिनलाई सोमबार पक्राउ गरेको हो । उनीहरुले २ परिवारका १४ जना रोहिंग्या शरणार्थीलाई नेपाल भित्र्याइसकेका अनुसन्धानबाट देखिएको छ ।

ब्युरोको अनुसार उनीहरुले रोहिंग्या शरणार्थीहरुलाई नेपालबाट अमेरिका लगायतका युरोपेली देश जान सकिने भन्दै नेपाल ल्याउने काममा संग्लन थिए ।

उनीहरुले नेपाल पुगेपछि अमेरिका जाने परिचचय पत्र पाइने सौ पुरुषलाई मासिक ५ हजार ७ सय ५०, महिलालाई ३ हजार ७ सय ५० र बाबालबालिकालाई २ हजार ७ सय ५० रुपैयाँ भत्ता पनि पाइने जस्ता प्रलोभन देखाएर शरणार्थीहरु ओसार/रहेका थिए ।

ब्युरोका अनुसार उीहरुले बंगालादेशको ढाकादेखि भारतको बाटो हुँदै नेपालसम्म मानव तस्करी गर्दा प्रतिव्यक्ती झण्डै साढे तीन लाख रुपैयाँ लिइरहेका थिए । पक्राउ परेका तीनै जना काठमाडौंमा विभिन्न पेशाकर्मीको आवरणमा मानव तस्करीको काममा संग्लन भइरहेको ब्युरोको अनुसन्धनले देखाएको छ ।

ब्युरोको प्रवक्ता श्याम कुमार महतोले पक्राउ परेका तीनैजनालाई थप अनुसन्धानका लागि प्रहरीको मानव बेचबिखन नियन्त्रण ब्युरोमा पठाइएको छ ।

प्रकाशित : आश्विन ४, २०७८ १८:०८
पूरा पढ्नुहोस्
प्रतिक्रिया
पठाउनुहोस्
×