एमालेको वर्चस्व फर्काउँछौं : भुसाल - समाचार - कान्तिपुर समाचार
कान्तिपुर वेबसाईट
AdvertisementAdvertisement

एमालेको वर्चस्व फर्काउँछौं : भुसाल 

कान्तिपुर संवाददाता

काठमाडौँ — एमालेका उपमहासचिव घनश्याम भूसालले आगामी चुनावपछि पार्टीले आफ्नो वर्चस्व फर्काउने बताएका छन् । 

बुटवलमा बुधबार आयोजित रुपन्देही जिल्लास्तरीय एमालेको कार्यकर्ता भेलामा नेता भुसालले आफैभित्रको समस्याले एमाले पछारिएको र घाइते भएको बताउँदै अब त्यसको पाठ सिकेर पाटीलाई एकताबद्ध रुपले अघि बढाउने बताए । ‘हामी पछारिएका छौं, घाइते भएका छौं । आन्दोलनका हिसाबले अप्ठेरोमा छौं । तल खसेका छौं । तर अहिले पनि ठूलो शक्ति छौं,’ उनले भने, ‘लाखौं नेता कार्यकर्ताको साथ छ । हामीमा हिम्मत छ । आउँदो चुनावमा जितेर देखाउँछौं ।’

एमाले ठूलो चोटबाट पछारिएको भए पनि त्यसबाट आत्तिन र मात्तिन नहुने भुसालले बताए । ‘हामी बीचमा भाँडिएका थियौं । अब कसैलाई दोष होइन । म बाट के गल्ती भएको थियो भनेर सुधार्दै अघि बढ्नुपर्छ।’

नेता भुसालले पार्टी विभाजन जनविरोधी काम भएको बताउँदै माधवकुमार नेपालले पनि पार्टी छोड्नु सही हो या होइन आत्मसमीक्षा गर्नु पर्ने बताए । ‘उहाँले नबुझेको होइन जस्तो लाग्छ तर किन बुझ्नु भएन ?’ उनले भने, ‘विधान महाधिवेशनपछि एमाले सांगठनिक रुपमा व्यवस्थित हुने अवसर छ ।’


प्रकाशित : भाद्र ३०, २०७८ १९:४१
प्रतिक्रिया
पठाउनुहोस्

कान्तिपुरकर्मी परियार पुरस्कृत 

कान्तिपुर संवाददाता

पोखरा — यस वर्षको सहारा खेलकुद पत्रकारिता पुरस्कार कान्तिपुर दैनिकका पोखरा संवाददाता दीपक परियारलाई प्रदान गरिएको छ । मोफसलकै प्रतिष्ठित फुटबल प्रतियोगिता आहा–रारा गोल्डकप आयोजना गर्दै आएको सहारा क्लबले बुधबार परियारलाई पुरस्कृत गरेको हो । 

क्लबको २३ औं वार्षिकोत्सव तथा १२ औं अधिवेशन समारोहमा गण्डकी प्रदेशका युवा तथा खेलकुदमन्त्री राजीव गुरुङले परियारलाई पुरस्कार हस्तान्तरण गरे । पुरस्कारको राशि २० हजार ५ सय ५५ रुपैयाँ रहेको छ ।

क्लबका सल्लाहकार एवं पत्रकार नारायण कार्कीको संयोजकत्वमा गठित प्रतिभा छनोट समितिले परियारलाई यस वर्षको लागि उत्कृष्ट खेल पत्रकारको रुपमा छनोट गरेको थियो । खेलकुदलाई प्राथमिकतामा राखेर समाचार प्रकाशन एवं प्रसारणमा योगदान पुर्‍याउने एकजना खेल पत्रकारलाई क्लबले हरेक वर्ष आफ्नो वार्षिकोत्सवमा सम्मान गर्दै आएको छ ।

पोखरामा रहेर डेढ दशकदेखि पत्रकारिता गरिरहेका परियारले यसअघि मिना गुरुङ सिर्जनशील पत्रकारिता पुरस्कार, बाबा आनन्द सञ्चार पुरस्कार, अन्नपूर्ण पर्यटन पत्रकारिता पुरस्कार, सुशासन पत्रकारिता पुरस्कार, सोफाज लक्ष्मीमाया कुमाले स्मृति ललितकला पत्रकारिता पुरस्कार प्राप्त गरेका छन् ।


प्रकाशित : भाद्र ३०, २०७८ १९:२५
पूरा पढ्नुहोस्
प्रतिक्रिया
पठाउनुहोस्
×