सुकुम्बासी समस्याहरूलाई हटाउने प्रयत्‍न गर्छु : अध्यक्ष निरौला- समाचार - कान्तिपुर समाचार
कान्तिपुर वेबसाईट
AdvertisementAdvertisement

सुकुम्बासी समस्याहरूलाई हटाउने प्रयत्‍न गर्छु : अध्यक्ष निरौला

कान्तिपुर संवाददाता

काठमाडौँ — भूमि आयोगका अध्यक्ष केशव निरौलाले सुकुम्बासीहरूको समस्या समाधान गर्ने प्रतिबद्धता जनाएका छन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको शपथ ग्रहण गरेपछि सञ्चारकर्मीसँग कुरा गर्दै अध्यक्ष निरौलाले सुकुम्बासीका समस्याहरुलाई हटाउने बताए । 

उनले सुकुम्बासी समस्याका नाममा धेरै समयसम्म देशमा जटिलताहरु थपिँदै गएकोले आफ्नो नेतृत्वको टिमले ती समस्याहरुलाई हटाउने प्रयत्न गर्ने बताएका हुन् ।

अध्यक्ष निरौलाले भने, ‘भूमि आयोग गठन भएको छ, दलित भूमिहीन, र भूमिहीन र अव्यवस्थित बसोबासीहरुको गठित यो आयोगको अध्यक्षको जिम्मेवारीमा नेपाल सरकारले मलाई नियुक्ति गरेको छ, सुकुम्बासी समस्याका नाममा धेरै समयसम्म यो देशमा जटिलताहरु थपिँदै गएका छन्, यसलाई हटाउने प्रयत्नमा हामी प्रतिबद्ध हुनेछौं ।’

मंगलबार बसेको मन्त्रिपरिषद् बैठकले सुकुम्बासी समस्या समाधानका लागि ‘राष्ट्रिय भूमि आयोग, ०७८’ गठन गरेको हो । यसअघि केपी ओली नेतृत्वको सरकारले देवी ज्ञवालीको अध्यक्षतामा सुकुम्बासी समस्या समाधान आयोग गठन गरेको थियो । तर, शेरबहादुर देउवा प्रधानमन्त्री भएपछि १९ साउनमा सो आयोग खारेज गरेको थियो

प्रकाशित : भाद्र ३०, २०७८ १८:४८
प्रतिक्रिया
पठाउनुहोस्

१२ जिल्लाका सीडीओ फेरिए [सूचीसहित]

कान्तिपुर संवाददाता

काठमाडौँ — सरकारले १२ जिल्लाका प्रमुख जिल्ला अधिकारी (सीडीओ) को हेरफेर गरेको छ । बुधबार गृह मन्त्रालयले १२ जनालाई जिल्लामा सरुवा गरेको छ भने चार जनालाई मन्त्रालयमा तानेको हो । 

मन्त्रालयलका प्रवक्ता फणिन्द्रमणि पोखरेलका अनुसार घनश्याम उपाध्यायलाई ललितपुरको सीडीओ बनाएर पठाइएको छ । उनी मन्त्रालयको आन्तरिक व्यवस्थापन महाशाखा प्रमुख थिए । त्यस्तै, गुल्मीको सीडीओ रहेकी रुद्रादेवी शर्मालाई भक्तपुर पठाइएको छ ।

त्यस्तै, मन्त्रालयले पुण्यविक्रम पौडेललाई गुल्मी, शंकर अर्याललाई गोरखा, काशिराज दाहाललाई मोरङको प्रमुख जिल्ला अधिकारीको रुपमा खटाएको छ । मोरङको प्रमुख जिल्ला अधिकारी रहेका कोषहरि निरौलालाई मन्त्रालय तानिएका छन् । यस्तै, दीपक पहाडीलाई रामेछाप र नुरहरि खतिवडालाई संखुवासभा पठाइएको छ ।

टेकनारायण पौडेललाई मन्त्रालय तानिएको छ भने टेकराज निरौलालाई दोलखा पठाइएको छ । दोलखाको प्रमुख जिल्ला अधिकारी रहेका बासुदेव घिमिरे मन्त्रालय तानिएका छन् । आसमान तामाङलाई चितवन पठाइएको छ । त्यस्तै, कृष्णा लम्साललाई धादिङ, वीरेन्द्र यादवलाई उदयपुर र ऋषि तिवारीलाई रुपन्देही सरुवा गएिको छ ।




प्रकाशित : भाद्र ३०, २०७८ १८:३७
पूरा पढ्नुहोस्
प्रतिक्रिया
पठाउनुहोस्
×