सभामुख सापकोटाले बोलाए सर्वदलीय बैठक

बैठकमा प्रधानमन्त्री, प्रमुख प्रतिपक्षी दल नेता केपी शर्मा ओली, पूर्वप्रधानमन्त्रीहरू र दलका नेताहरूलाई पनि बोलाइएको छ ।

सर्वदलीय बैठक संघीय संसद् भवन नयाँ बानेश्वरको ल्होत्से हलमा दिउँसो साढे २ बजे बस्ने संसद् सचिवालयले जनाएको छ । सचिवालयका अनुसार बैठकमा संसद् अवरोध हटाउने लगायतको विषयमा छलफल हुने छ ।

सभामुखको भूमिकाको विषयलाई लिएर प्रमुख प्रतिपक्षी दल एमालेले सदनमा निरन्तर अवरोध पुर्‍याउँदै आएको छ । एमालेले आफ्नो पार्टी कारबाहीका लागि सिफारिस गरेको सांसदहरुलाई कारबाही नगरिएको र दल फुटाउन भूमिका खेलेको भन्दै सभामुख सापकोटाको विरोधमा प्रतिनिधिसभा र राष्ट्रिय सभामा विरोध गर्दै आएको छ । तर यसअघिका बैठकमा विस्थापन विधेयक, केही अध्यादेश एमालेका सांसदकोफ विरोधबीच सरकारले सदनमा टेबुल गरेको छ ।

संघीय संसद्‌को अधिवेशन भदौ २३ गतेबाट प्रारम्भ भएको हो ।