देउवापुत्र जयवीरसिंह कांग्रेसका क्रियाशील सदस्य
काठमाडौँ — प्रधानमन्त्री एवं कांग्रेस सभापति शेरबहादुर देउवाका छोरा जयवीरसिंह देउवा पनि राजनीतिमा प्रवेश गरेका छन् । उनले नेपाली कांग्रेसको क्रियाशील सदस्यता लिएका छन् ।
२६ वर्षीय जयवीर बेलायतबाट अध्ययन सकाएर स्नातकोत्तर गरेका छन् ।
उनले गृहजिल्ला डडेल्धुराको गन्यापधुरा गाउँपालिका–१ को वडा कार्यसमितिको सिफारिसमा क्रियाशील सदस्यता पाएका हुन् ।
उनी क्षेत्रीय प्रतिनिधि निर्वाचित भएर आउने तयारीमा रहेको स्रोतले जनाएको छ । डडेल्धुरामा २५ भदौमा वडा अधिवेशन गर्ने तयारी छ ।
प्रकाशित : भाद्र २३, २०७८ १३:१६