काठमाडौं महानगरका वडा सदस्य २ लाख रुपैयाँ घूससहित पक्राउ

सोमबार दिउँसो आयोगबाट खटिएका कर्मचारीले सेवाग्राहीसँग २ लाख रुपैयाँ घूस लिँदै गर्दा वडा सदस्य बसन्त महर्जनलाई पक्राउ गरेको हो ।

जग्गाको मोहियानी हक नामसारी र नाता प्रमाणित गरी मोही प्रमाण-पत्र र मालपोत तथा भूमि व्यवस्था कार्यालय काठमाडौंलाई सिफारिस दिनका लागि सेवाग्राहीसँग महर्जनले घूस माग गरेको अख्तियारद्वारा जारी विज्ञप्तिमा उल्लेख छ ।

आयोग प्रवक्ता नारायणप्रसाद रिसालका अनुसार वडाध्यक्षलाई थप अनुसान्धानको लागि नक्सालस्थित आयोगको कार्यालयमा ल्याइँदै छ ।