नेकपा (एकीकृत समाजवादी) निर्माण प्रक्रियामा सहभागी नभएका माधवकुमार नेपाल निकट दोस्रो पुस्ताका नेताहरू अध्यक्ष केपी शर्मा ओलीले समयतालिका सहित १० बुँदे सहमति कार्यान्वयन गर्ने प्रतिबद्धता जनाएपछि एमालेभित्रै संघर्ष गरेर जाने निष्कर्षमा पुगेका छन् ।
भारतीय जनता पार्टी (भाजपा)का विदेश विभाग प्रमुख विजय चौथाइवालेले सोमबार पनि राजनीतिक भेटघाट गरेका छन् । उनले सोमबार प्रमुख प्रतिपक्षी दल नेकपा एमालेका अध्यक्ष एवं पूर्वप्रधानमन्त्री केपी शर्मा ओली, नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल र प्रस्तावित लोकतान्त्रिक समाजवादी पार्टीका अध्यक्ष महन्थ ठाकुरलाई निवासमै पुगेर भेटवार्ता गरेका हुन् ।
महेन्द्रराजमार्ग अन्तर्गत बुटवल–नारायणगढ सडकखण्डमा खाल्टाखुल्टीले यात्रा असहज बनेको छ । महेन्द्रराजमार्ग फराकिलो पार्ने ठेक्का पाएको चिनियाँ कम्पनीले मर्मतको काम नगर्दा राजमार्गमा जताततै खाल्डा बनेका छन् ।
यो साताको सुरुमै आइतबार जनैपूर्णिमा परेको थियो भने सोमबार गाईजात्रा मनाइयो । यो दुवै पर्वको समयमा देशभरका विभिन्न स्थानमा मानिसहरुको भीड अत्यधिक देखिएको छ । विज्ञले कोरोना संक्रमणको अवस्था नेपालमा स्थिर नै रहेतापनि चाडपर्वको सिजन नजिकिएसँगै कोरोना संक्रमणको अवस्था ह्वात्तै बढ्न सक्ने आकलन गरेका छन् । उनीहरुका अनुसार १/२ हप्तामा संक्रमण बढ्न सक्छ ।
जिल्ला सभापतिहरुले क्रियाशील सदस्यको नामावली सार्वजनिक नभए आन्दोलन नै गर्ने भएपछि कांग्रेसले क्रियाशील सदस्यहरुको नामावली सार्वजनिक गर्ने भएको छ । सदस्यताका विषयमा देखिएको विवाद मिलेपछि प्राविधिक तयारी पूरा गरी अन्तिम नामावली सार्वजनिक गर्ने जनाएको हो ।
पछिल्लो २४ घण्टामा १ हजार ५४८ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका अनुसार ८ हजार ७०४ पीसीआर परीक्षणमा सोमबार थप १ हजार ५४८ जनामा संक्रमण पुष्टि भएको हो ।
एमालेबाट विभाजित भएको प्रस्तावित नेकपा (एकीकृत समाजवादी)का नेताहरू आवासीय भेलाका लागि चन्द्रागिरी रिसोर्ट पुगेका छन् । बुधबार पार्टी विभाजनका लागि निर्वाचन आयोगमा सनाखतको तयारी भइरहेका बेला आफू पक्षका नेताहरू दायाँबायाँ नहुन् भन्ने उद्देश्यले उनीहरूलाई एकत्रित गरेर राख्न एकान्तवास लगिएको हो ।
एमाले विवाद समाधानका लागि भएको १० बुँदे सहमति कार्यान्वयनको मोडालिटी र समयतालिका तय गर्न तीन सदस्यीय कमिटी गठन भएको छ । कमिटीमा उपाध्यक्ष भीम रावल, महासचिव ईश्वर पोखरेल र उप-महासचिव विष्णु पौडेल सदस्य छन् । यो कमिटीले स्थायी मंगलबारको बैठकअघि प्रस्ताव तयार गर्नेछ ।
कांग्रेसका वरिष्ठ नेता रामचन्द्र पौडेल समूहबाट सभापतिका आकांक्षीहरुले सामूहिक छलफल गरी क्रियाशील सदस्यताकै कारण फेरि पनि महाधिवेशनको कार्यतालिका प्रभावित पार्न नहुनेमा जोड दिएका छन् ।
पत्रकारको मोटरसाइकलमा लागूऔषध राखेर फसाउन खोज्ने नेपाल प्रहरीका दुई घुमुवालाई निलम्बन गरिएको छ । प्रहरी सहायक निरीक्षक उदयप्रसाद यादव र प्रहरी जवान मनोज साहलाई निलम्बन गरी घटनाको अनुसन्धान थालिएको हो ।
भारतीय जनता पार्टी (भाजपा) का विदेश विभाग प्रमुख विजय चौथाइवालेले नेकपा एमालेका अध्यक्ष केपी शर्मा ओलीसँग भेटवार्ता गरेका छन् । ८ महिनापछि आइतबार फेरि काठमाडौं उत्रिएका चौथाइवालेले सोमबार बालकोटमा पुगेर ओलीसँग भेटवार्ता गरेका हुन् ।
एमाले अध्यक्ष केपी शर्मा ओली र ‘तेस्रो धार’का नेताहरूबीच १० बुँदे सहमति कार्यान्वयनको मोडालिटी र समय तालिका बनाउने सहमति भएको छ । ओली निवास बालकोटमा भएको असन्तुष्ट पक्षका स्थायी कमिटीका सदस्यसँग भएको सहमतिमा मंगलबार स्थायी कमिटीको बैठक बसेर मोडालिटी तय गर्ने सहमति भएको हो ।
मनसुनी वायु सक्रिय रहेका कारण हाल देशभर सामान्यदेखि पूर्ण बदली रही अधिकांश स्थानमा वर्षा भइरहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
नेपाल सरकारले अफगानिसतानबाट उद्धार गरेर ल्याएका नेपालीहरुलाई पोलियो खोप दिने भएको छ । स्वास्थ्य सेवा विभाग अन्तर्गतको बाल स्वास्थ्य तथा प्रमुख डा झलक शर्मा गौतमले सोमबारबाट नेपालीहरुलाई खोप दिइने कान्तिपुरलाई बताए । उनले यससम्बन्धी योजना बनिसकेको र मंगलबारबाट नै दिन थालिने जानकारी गराए ।
सत्तारुढ गठबन्धनले प्रमुख प्रतिपक्षी दल नेकपा एमालेबाट सभामुखलाई धम्क्याउने काम भएको भन्दै आपत्ति जनाएको छ ।माओवादी संसदीय दलको कार्यालयमा सत्तारुढ पाँच दलका प्रतिनिधि जम्मा भएर विज्ञप्ति जारी गर्दै आपत्ति व्यक्त गरेका हुन् ।
प्यूठानको सरुमारानी गाउँपालिका–६ बुढीचौरकी १८ वर्षीया हिमा कुसुन्डाले मातृभाषा जानेकी थिइनन् । लमहीमा दुई वर्षअघि भाषा कक्षा सुरु भएपछि उनले सिक्न थालिन् । १ सय ८० घण्टाको कोर्स पूरा गरेपछि उनी बोल्न र लेख्न सक्ने भइन् । उनले कुसुन्डा भाषामै गीत लेखिन् र गाइन् पनि । उनका बारेमा डकुमेन्ट्री नै निर्माण भयो । उक्त डकुमेन्ट्री २०२१ जुनमा भएको ट्राइबेका फिल्म फेस्टिभलमा उत्कृष्ट भयो ।
नेकपा एमाले लुम्बिनी प्रदेश संसदीय दलले सूर्य चिह्नबाट चुनाव जितेका दुई सांसदलाई पदबाट नहटाएसम्म प्रदेशसभा चल्न नदिने जनाएको छ । स्वतन्त्र राजनीतिक समूहका तर्फबाट सूर्य चिह्न लिएर चुनाव जितेका अजय शाही र नेकपा छँदा एमाले कोटाबाट चुनाव जितेकी विमलाकुमारी खत्री वलीलाई पदमुक्त गर्नुपर्ने उसको अडान छ ।
जापानबाट अनुदानको थप खोप आइपुगेको छ । कतार एयरलाइन्सको विमानमा सोमबार बिहान साढे ९ बजे झन्डै पाँच लाख डोज एस्ट्राजेनेका खोप आइपुगेको हो । गत शनिबार जापान सरकारले २ लाख ८ हजार ७ सय डोज पठाएको थियो ।
पार्टी एकताका लागि भन्दै एमालेको 'तेस्रो धार'का नेताहरु सोमबार अध्यक्ष केपी शर्मा ओलीको निवास बालकोटमा छलफलका लागि पुगेका छन् । नयाँ राजनीतिक दल गठनका लागि औपचारिक प्रक्रिया सुरु गरेपछि माधवकुमार नेपालबाट अलग्गिएर छुट्टै समूह गठन गरेका नेताहरू र अध्यक्ष ओलीबीच बालकोटमा छलफल सुरु भएको हो ।
भाद्र कृष्णपक्ष परेवाको दिन गाईजात्रा मान्ने चलन छ । नेपाल भाषामा गाईजात्रालाई ‘सापारु’ भनिन्छ । यो गुंपुन्हिको भोलिपल्ट परेवाको दिनमा पर्छ, त्यसैले यो सापारु भयो । काठमाडौंमा वर्सेनि यसलाई ठूलो पर्वको रूपमा मनाउँदै आएको छ ।
संघीय राजधानीलाई तराईसँग जोड्न निर्माणाधीन काठमाडौं–निजगढ द्रुतमार्गमा वन्यजन्तुका लागि दुई ‘अन्डर पास’ निर्माण हुने भएको छ । सडकले वन्यजन्तुको आवागमनका बाधा नपार्न नेपाली सेनाले कोरियाली परामर्शदातामार्फत स्थलगत अध्ययन गराएको हो ।
प्रमुख प्रतिपक्षी दल एमालेका सांसदहरू आफ्नो पार्टीका १४ सांसदलाई पदमुक्त गर्न आनाकानी गरेको भन्दै सभामुख अग्निप्रसाद सापकोटाविरुद्ध आक्रामक बनेका छन् । सभामुखलाई कार्यकक्षमै भेटेर र फोन गरेर कारबाहीको सूचना टाँस गर्न दबाब दिएका उनीहरूले संसदीय समितिको बैठकसमेत बहिष्कार गर्न थालेका छन् । एमाले अध्यक्ष तथा संसदीय दलका नेता केपी शर्मा ओलीले सार्वजनिक कार्यक्रमबाटै सभामुखलाई किटेर सदन चल्न नदिने बताइसकेका छन् ।
संघीय राजधानी काठमाडौंका घर, सडक, चोक र गल्लीमा फोहोरको डंगुर लागेको छ । यसअघिजस्तो विवाद भएर होइन, नुवाकोटको सिसडोलस्थित ल्यान्डफिल साइटमा फोहोरको पहाडमाथि गाडी गुड्न नसकेकाले उपत्यकाका दुई महानगरसहित नगरपालिकाहरूले फोहोर उठाउन छाडेका हुन् । फोहोरको डंगुरमाथि बाटो बनाउन अझै १५ दिन लाग्ने नगरपालिकाहरूले बताएका छन् ।
धरानस्थित बीपी कोइराला स्वास्थ्य विज्ञान प्रतिष्ठानमा खरिद गरिएका महँगा मेडिकल उपकरणमध्ये १९ प्रकारका उपकरण हालसम्म उपयोग नगरी थन्क्याएर राखेको पाइएको छ । महालेखा परीक्षकको ५८ औं वार्षिक प्रतिवेदनले ती उपकरण प्रयोग नहुँदा उपचार प्रभावित भएको र खरिद खर्च उपलब्धिविहीन भएको जनाएको छ ।
त्रिभुवन विश्वविद्यालयबाट सम्बन्धन लिएका निजी इन्जिनियरिङ कलेजहरूले कोरोना महामारीका बेला अनलाइन पढाएर भौतिक उपस्थितिसहितको कक्षाजसरी शतप्रतिशत शुल्क उठाएको भन्दै विद्यार्थी आन्दोलनमा उत्रिएका छन् ।
अफगानिस्तानको राजधानी काबुलबाट ठूला कम्पनीमा कार्यरत नेपाली कामदारको उद्धार भए पनि साना कम्पनीमा काम गर्ने र कामविहीन नेपाली भने दलाल क्याम्पमै अल्झिएका छन् । उनीहरूले जतिसक्दो छिटो उद्धार गरिदिन नेपाल सरकारलाई आग्रह गरेका छन् ।
फिरन्ते जीवन बिताउँदै आएका राउटे समुदाय दुई महिनामा ३ ठाउँ बसाइँ सरेका छन् । झन्डै डेढ महिनाको अवधिमा समुदायका ४ जनाको मृत्यु भएपछि उनीहरूले सल्यान र सुर्खेतको विभिन्न ठाउँमा बासस्थान फेरेका हुन् ।
एमालेका मध्यमार्गी नेताहरूले पार्टी एकताका लागि भन्दै अघि सारेका सर्तसहितका मागप्रति अध्यक्ष केपी शर्मा ओली र नेकपा (एकीकृत समाजवादी) दर्ता अगाडि बढाएका माधवकुमार नेपालले बेवास्ता गरेका छन् । दुवैले उनीहरूका सर्त मान्न नसकिने प्रतिक्रिया दिएका छन् ।
