यस्तो छ हेलम्बुको भीमथाङको बाढी–पहिरो [तस्बिरहरु]

हेलम्बु क्षेत्रमा खासै वर्षात नहुँदा पनि बाढीको सतह घटबढ नभएपछि बुझ्न जनप्रतिनिधि हेलम्बुको भीमथाङ पुग्ने प्रयासमा थिए ।

‘भीमथाङ चौर बीचमा दुई सय मिटर बगर बनेको छ, दुवैतिरबाट लड्दै पहिरो बगिरहेको छ, भीमथाङ खोलाबाट कालो लेदोको बाढी झर्दैछ, त्यही मिसिएर आएको मेलम्ची नदीको बाढीको सतह अझै बढेको हो,’उनले भने ।

उनका नुसार भीमथाङमा अनपेक्षित रुपमा खोलामा बाढीसँगै भीरमा पहिरो जाने क्रम रोकिने अवस्थामा छैन । ‘माथिल्लो पहाडी भूभागको ठूलो क्षेत्र भासिएर आउँदैछ, तल भने थुपारिएको माटो मात्रै छ,’ उनले भने ।

शेर्पाले गृहमन्त्री बालकृष्ण खाँडसहित विपद्का प्रमुख अधिकृत र विज्ञ टोलीलाई भीमथाङको यथार्थ विवरण दिएर अध्ययन गर्न आग्रह गरेको बताए ।

• बाढी-पहिरोको उद्गम अनुगमनपछि हेलम्बुका अध्यक्षले गृहमन्त्रीलाई भने– मेलम्ची छेउका बस्ती सार्नुको विकल्प छैन

यसअघि भूर्गभविद डा. रविनराज निरौलाबाट पाएको जानकारीको आधारमा गाउँपालिकालेभीमथाङ चौरको २५ प्रतिशत मात्र पहिरो गएको र बाँकी ७५ प्रतिशतमध्ये के कति भागमा पहिरो जान सक्ने हालसम्म यकिन नरहेको जनाएको थियो ।

भीमथाङ चौरमा थोरै पहिरो गएको र अझै धेरै बाँकी रहेको सूचनालाई जारी पनि गर्दै तट भेगका सबैलाई सर्तकता अपनाउन गाउँपालिकाले आग्रह गर्दै आएको छ ।

तस्बिरहरु सौजन्य : निमाग्याल्जेन शेर्पा