कम्युनिस्ट आन्दोलनलाई सही दिशामा लैजान चाहन्छौँ : नेपाल- समाचार - कान्तिपुर समाचार
कान्तिपुर वेबसाईट
AdvertisementAdvertisement

कम्युनिस्ट आन्दोलनलाई सही दिशामा लैजान चाहन्छौँ : नेपाल

‘एमाले यस रूपमा अगाडि बढ्छ, सुध्रिन्छ, ठीक छ । कसले आफूले बनाएको घरबाट बाहिर निस्कन चाहन्छ ? तर, अपमान सहेर कोही पनि बस्दैन ।’
कान्तिपुर संवाददाता

काठमाडौँ — नेकपा एमालेका वरिष्ठ नेता माधवकुमार नेपालले कम्युनिस्ट आन्दोलनलाई सही दिशामा लगेर क्रान्तिकारी पार्टीलाई बलियो बनाउन चाहेको बताएका छन् । 

पुष्पलाल स्मृति दिवसका अवसरमा बिहीबार काठमाडौंमा आयोजित कार्यक्रमलाई सम्बोधन गर्दै नेता नेपालले त्यो बाटोमा एमाले अगाडि बढ्छ कि बढ्दैन भनेर हेरिरहेको बताएका हुन् ।

‘कम्युनिस्ट आन्दोलनलाई बलियो बनाउनु पर्छ । कम्युनिस्ट आन्दोलनलाई सही दिशामा लगेर क्रान्तिकारी पार्टीलाई बलियो बनाउन चाहन्छौं,’ उनले भने, ‘त्यो क्रान्तिकारी पार्टीको स्वरूप लिएर नेकपा एमाले अगाडि बढोस् भन्ने चाहन्छौं । त्यो रुपमा अगाडि बढ्छ कि बढ्दैन हामी हेरिरहेका छौं ।’

तर, अपमान सहेर कोही पनि पार्टी बस्न नहुने नेपालको भनाइ छ । ‘एमाले यस रूपमा अगाडि बढ्छ, सुध्रिन्छ, ठीक छ । कसले आफूले बनाएको घरबाट बाहिर निस्कन चाहन्छ ? तर, अपमान सहेर कोही पनि बस्दैन,’ नेपालले भने, ‘गलत र सबैखालका कुकर्म सहेर कोही पनि बस्न हुँदैन । त्यो प्रशिक्षण हामीले पाएका छैनौं ।’

नेता नेपालले दास मानसिकताका मान्छे कम्युनिस्ट हुन नसक्ने बताए । ‘सबै कुराहरुलाई शिर निहुराएर, दासको मानसिकतासाथ, दास हुने मान्छे कम्युनिस्ट हुन सक्दैन,’ उनले भने, ‘हामी अरुको मान सम्मान गर्छौं । अरुको अपमान गर्ने मान्छेहरुलाई समाजले अपमान गर्छ । हामी सिंगो समाजको रुपान्तरण चाहन्छौं ।’

उनले अध्यक्ष केपी शर्मा ओलीपक्षले स्याल हुँइया गरेर नाटक मञ्चन भइरहेको बताए ।‘आपराधिक, शोषक, सामन्ती तत्वहरूले कहिले स्याल हुँइया, कहिले बाँदर जुलुस त कहिले बरण्डामा उफ्रिने नाटक मञ्चन भइरहेको छ,’ नेपालले भने ।

प्रकाशित : श्रावण ७, २०७८ १४:०५
प्रतिक्रिया
पठाउनुहोस्

भाडा समायोजन लगायतका मागसहित यातायात व्यवसायीद्वारा प्रदर्शन

तस्बिर : अनिस रेग्मी, कविन अधिकारी, तस्बिर : हेमन्त श्रेष्ठ

काठमाडौँ — सार्वजनिक यातायात व्यवसायीहरुले बिहीबार काठमाडौंमा प्रदर्शन गरेका छन् । प्रदर्शनका क्रममा व्यवसायीहरुले चक्रपथ वरपर गाडीको र्‍याली निकालेका थिए । यातायात व्यवसायीका ७ बुँदे माग तत्काल पूरा गर्नुपर्ने भन्दै सार्वजनिक यातायात केन्द्रीय महासंघ नेपालले प्रदर्शन गरेको हो । महासंघले कोभिड खोप सम्बन्धमा, यातायातको भाडा एवं ट्याक्सीको सुरुवाती कल समायोजन सम्बन्धमा, २० वर्ष पुगेका सवारीको अवधि थप सम्बन्धमा, यातायातको बिमा छुट, यातायातको कागजपत्र नवीकरण र जरिवाना छुट गरिनुपर्ने माग राखेको छ ।


प्रकाशित : श्रावण ७, २०७८ १३:०४
पूरा पढ्नुहोस्
प्रतिक्रिया
पठाउनुहोस्
×