देउवा सरकारलाई डा. केसीको चेतावनी– मेडिकल माफियाको हितमा काम गरे आन्दाेलन
काठमाडौँ — चिकित्सा शिक्षा सुधारका अभियन्ता डा. गोविन्द केसीले नयाँ सरकारलाई मेडिकल माफियाको हितमा काम गरेमा जुनसुकै बेला आन्दोलनका कार्यक्रम ल्याउने चेतावनी दिएका छन् ।
सोमबार पत्रकार सम्मलेन आयोजना गर्दै उनले भने, ‘अघिल्लो सरकारझैं यो सरकारले महामारीलाई कमाउधन्दाको माध्यम नबनाओस् भनेर पनि ध्यानाकर्षण गर्न चाहन्छु ।’
उनले कोरोनाको परीक्षण, भ्याक्सिन वितरण र उपचारको पर्याप्त व्यवस्था गर्न आग्रह गरे ।
डा. केसीले देशमा नयाँ सरकार गठन भएसँगै स्वास्थ्य र मेडिकल शिक्षा क्षेत्रमा रहेका विभिन्न समस्याहरु तथा तिनको समाधानका लागि तत्काल, मध्यमकाल र दीर्घकालमा गर्नुपर्ने कामहरुबारे ध्यानाकर्षण गराउनका लागि पत्रकार सम्मेलन आयोजना गरेको बताए ।
उनले नेपालमा मेडिकल माफियाहरुले सत्ता फेरिएसँगै नयाँ सरकारलाई आफ्नो प्रलोभनमा पार्ने गरेको भन्दै देशका धेरै निजी मेडिकल कलेजहरुलाई मुठ्ठीभर आपराधिक पृष्ठभूमिका माफियाहरुले लिने क्रम चलिरहेको बताए ।
प्रकाशित : श्रावण ४, २०७८ १७:३०