पोखरा — पोखरा महानगरपालिकाका मेयर मानबहादुर जिसीलाई मस्तिष्कघात भएको छ । बिहान ४ बजे एक्कासि बिरामी परेपछि उनलाई पोखरास्थित मणिपाल शिक्षण अस्पताल लगिएको थियो ।
उनको दाहिने मस्तिष्कको नसा ब्लक भएको चिकित्सकले बताएका छन् । सोही कारण उनको शरीरको देब्रे पाखो नचल्ने समस्या देखिएको छ । उनलाई थप उपचारका लागि हेलिकप्टरबाट काठमाडौंको न्युरो अस्पताल लगिएको छ ।
अहिले उनको अवस्था खतरामुक्त रहेको प्रेस संयोजक माधव बरालले बताए । मेयर जिसीमा उच्च रक्तचापको समस्या रहेको पनि बरालले बताएका छन् ।
प्रकाशित : श्रावण १, २०७८ १२:१९प्रतिक्रिया