१६.१२°C काठमाडौं
काठमाडौंमा वायुको गुणस्तर: १५२

बीपी अध्ययन तथा अनुसन्धान केन्द्र भवनको देउवाद्वारा शिलान्यास

बीपीका बारेमा शोध गर्ने विद्यार्थीका लागि अब एउटै केन्द्रबाट सबै अभिलेख उपलब्ध हुने

काठमाडौँ — बीपी कोइरालाको साहित्य र राजनीतिका बारेमा खोज र अनुसन्धान गर्नेहरुका लागि अब धेरै ठाउँ धाउन नपर्ने भएको छ । बीपी स्मृति ट्रस्टले राजधानीको विशालनगरमा बीपीका सम्पूर्ण अभिलेख भएको बीपी अध्ययन तथा अनुसन्धान केन्द्र संचालनमा ल्याउन लागेको हो ।

बीपी अध्ययन तथा अनुसन्धान केन्द्र भवनको देउवाद्वारा शिलान्यास

ट्रस्टका कार्यकारी निर्देशन राजेन्द्र पराजुलीका अनुसार अनुसन्धान केन्द्रका लागि ९ करोड रुपैयाँ लागतमा सुविधान सम्पन्न भवन दुई वर्षभित्रै निर्माण सम्पन्न हुँदैछ । भवन सम्पन्न हुनसाथ विश्वविद्यालय स्तरको अनुसन्धान केन्द्र संचालनमा ल्याइने उनले बताए ।

विशालननगरमा निर्माण हुन लागेको भवनको बुधबार कांग्रेस सभापति शेरबहादुर देउवाले शिलान्यास गरेका छन् । ट्रस्ट, संस्कृति, पर्यटन तथा नागरिक उड्ययन मन्त्रालय, काठमाडौं महानगरपालिका र प्रदेश सरकारको सहयोगमा बीपी अध्ययन केन्द्र भवन बन्न लागेको हो । यस भवनमा बीपीको साहित्य र राजनीतिक क्षेत्रका बारेमा शोध र अनुसन्धान गर्नेहरुका लागि अब एउटै भवनबाट सबै अभिलेख उपलब्ध हुनेछन् । त्यस अतिरिक्त पुरातात्त्विक विभागको सहयोगमा नेपाली लेखकहरुको महत्त्वपूर्ण कृति, ऐतिहासिक दस्तावेज र मानसम्मानको संरक्षण गर्ने काम समेत अध्ययन केन्द्रले गर्ने योजना बनाएको छ ।

ट्रस्टले केही समय अघिदेखि नै बीपीका बारेमा शोध गर्ने विद्यार्थीहरुका लागि छात्रवृत्ति समेत उपलब्ध गराउँदै आएको छ । कार्यकारी निर्देशक पराजुलीले ट्रस्टबाट छात्रवृत्तिका लागि मात्रै ४८ लाख रुपैयाँ लगानी भइसकेको छ ।

प्रकाशित : असार १६, २०७८ १७:४३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?