सर्वोच्चको आदेशले राष्ट्रिय राजनीतिमा पछिसम्म गम्भीर र नकारात्मक प्रभाव हुनेछन् : एमाले प्रवक्ता

प्रधानन्यायाधीश चोलेन्द्र शम्शेर जबरा र न्यायाधीश प्रकाशकुमार ढुंगानाको संयुक्त इजलासले मन्त्रिपरिषद् विस्तारलाई बदर गरिदिएपछि एमालेका प्रवक्ता प्रदीपकुमार ज्ञवालीले त्यसको प्रभाव नेपाली राजनीतिमा नकारात्मक र गम्भीर हुने बताए । 'सर्वोच्चको आजको आदेशले पार्ने प्रभावहरू राष्ट्रिय राजनीतिमा पछिसम्म पनि गम्भीर र नकारात्मक हुनेछन्,' उनले भने ।

सर्वोच्चको आदेश अप्रत्यासित भन्दै ज्ञवालीले थपे, 'यो आदेश अप्रत्यासित छ र यसले राष्ट्रिय राजनतीतिलाई जटिल दिशातिर धकेलेको छ ।'

सर्वोच्चको आदेशबारे पार्टीको थप धारणा तय गर्नका लागि बैठक बस्ने पनि ज्ञवालीले जानकारी दिए ।

सम्बन्धित समाचारः

• सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त
• मन्त्रिपरिषद् विस्तार सर्वोच्चद्वारा बदर