नेता खनाल अस्पताल भर्ना

कमजोरी महसुस गरेपछि उपचारका लागि पुगेका खनाल चिकित्सकको सल्लाहमै आराम गर्न अस्पताल भर्ना भएको उनका स्वकीय सचिव कृष्ण भट्टराईले जानकारी दिए ।

‘केही कमजोर महसुस भएपछि उहाँलाई आज अस्पताल ल्याइएको थियो,’ उनले भने, ‘घरमा भन्दा चिकित्सकको निगरानीमा अस्पतालमा आराम गर्न सजिलो हुने भएकाले भर्ना गरिएको हो ।’

उनले नेता खनाललाई जटिल समस्या नरहेको र दुई–तीन दिनपछि घर फर्किने बताए । पूर्वप्रधानमन्त्री खनाललाई यसअघि कोभिड संक्रमण देखिएपछि नर्भिक अस्पताल भर्ना गरी उपचार गरिएको थियो ।