कोरोनाविरुद्ध सघाउन आग्रह गर्दै साझेदार निकायहरूलाई मन्त्रालयको पत्र- समाचार - कान्तिपुर समाचार
कान्तिपुर वेबसाईट
AdvertisementAdvertisement

कोरोनाविरुद्ध सघाउन आग्रह गर्दै साझेदार निकायहरूलाई मन्त्रालयको पत्र

जनकराज सापकोटा

काठमाडौँ — स्वास्थ्य मन्त्रालयले नेपाल सरकारलाई स्वास्थ्य क्षेत्रमा सघाइरहेका साझेदार संघसंस्थाहरूसँग सहयोगको अपिल गर्दै पत्राचार गरेको छ । मन्त्रालयले कोभिडविरुद्धको लडाइँमा अत्यावश्यकीय स्वास्थ्य उपकरण र सामग्रीहरूको संकट चुलिँदै गएको भन्दै सोमबार सहयोगको अपिल गरेको हो । 

कोभिडसँग लड्न मानवीय सहायताको हात बढाइदिन भन्दै मन्त्रालयले गरेको पत्राचारमा ४१ विभिन्न सामग्री सहयोग गरिदिन अनुरोध गरिएको छ ।

मन्त्रालयले अक्सिजन जेनेरेसन प्लान्ट ७ वटा, लिक्विड अक्सिजन १० ट्यांक र प्रतिदिन २० टन अक्सिजन, १० हजार अक्सिजन कन्सन्टेटर, ९ सय भेन्टिलेटर ३० दिनभित्र उपलब्ध गराइदिएर सहयोग गर्न पत्रमा उल्लेख गरेको छ । त्यस्तै ३० दिनभित्र ६० हजार पल्स अक्सोमिटर, हाई फ्लो नेजल क्यानुला (१ हजार) को सहायता मन्त्रालयले माग गरेको छ । मन्त्रालय स्रोतका अनुसार संक्रमणको दर बढ्दै जाँदा हाल मौजुदा पीसीआर किटले दुई साताभन्दा धेरै धान्न नसक्ने आकलन गरिएको छ । त्यसैले मन्त्रालयले आरटी पीसीआर किट २५ लाख १५ दिनभित्र उपलब्ध गराइदिन अनुरोध गरेको छ ।

मन्त्रालयले ३ करोड ७ख भ्याक्सिन पनि ३० दिनभित्र उपलब्ध गराइदिन अनुरोध गरेको छ । मन्त्रालले सर्जिकल मास्क ३४ करोड, पन्जा ५० करोड १५ दिनभित्र आवश्यक पर्ने पनि उल्लेख गरेको छ । मन्त्रालयले संक्रमणको दर बढ्दै जाँदा टेन्टमै राखेर भए पनि उपचार गर्नुपर्ने परिस्थिति आउने भन्दै १ सय ५० वटा अस्पताल सञ्चालन गर्न सकिने खालको टेन्ट उपलब्ध गराइदिन अनुरोध गरेको छ । कोभिड क्राइसिस म्यानेजमेन्ट सेन्टरको अनुरोधमा मन्त्रालयले यस्तो आग्रह गरेको हो ।

त्यस्तै आइसोलेसन सेन्टर स्थापनाका निम्ति १ सय ५० वटा टेन्ट र ८ वटा सूचना–प्रविधि तथा क्लिनिकल म्यानेजमेन्ट कल सेन्टर ३० दिनभित्र स्थापना गरिदिएर सहयोग गरिदिन पनि मन्त्रालयले अनुरोध गरेको छ ।


प्रकाशित : वैशाख २८, २०७८ १३:०३
प्रतिक्रिया
पठाउनुहोस्

निषेधाज्ञाले गहुँ खरिद प्रभावित

कान्तिपुर संवाददाता

पर्सा — पर्सामा निषेधाज्ञा जारी भएपछि खाद्य व्यवस्था तथा व्यापार कम्पनी लिमिटेड वीरगन्ज शाखाले सुरु गरेको गहुँ खरिद प्रभावित भएको छ ।

कार्यालयका सूचना अधिकृत मुनिलाल कुशवाहाका अनुसार, किसानले गहुँ ल्याउन खोज्दा ठाउँठाउँमा सुरक्षाकर्मीले अवरोध गरेका छन् ।

‘हामी कार्यालय खोलेर बसेका छौं, सुरक्षा निकायलाई केही भन्न सक्ने अवस्थामा छैनौ,’ उनले भने । शाखाले वैशाख ८ गतेबाट गहुँ किन्न थालेको थियो । यस सिजनका लागि शाखाले ३ हजार क्विन्टल गहुँ खरिदको कोटा पाएको थियो । जेठ १५ सम्म खरिद गर्ने लक्ष्य थियो । तर निषेधाज्ञा लम्बिएर वैशाख ३० सम्म पुगेपछि थप एक साता गहुँ खरिद हुन नसक्ने कुशवाहाले बताए ।

हालसम्म शाखाले २ सय १६ क्विन्टल ८५ किलो किनिसकेको छ । सरकारले तोकेको समर्थन मूल्य प्रतिक्विन्टल ३ हजार १ सय ११ रुपैयामा गहुँ किनिरहेको शाखाले जनाएको छ ।

प्रकाशित : वैशाख २८, २०७८ १२:४४
पूरा पढ्नुहोस्
प्रतिक्रिया
पठाउनुहोस्
×