विपक्षमा मतदान गर्न सांसदहरूलाई माओवादीको निर्देशन

सिंहदरबारस्थित संसदीय दलको कार्यालयमा आइतबार बिहान बसेको बैठकले आफ्ना सांसदलाई विपक्षमा मतदान गर्न निर्देशन दिएको दलका सचेतक देव गुरुङले जानकारी दिए ।

एक बजेदेखि बस्ने प्रतिनिधिसभाको बैठकमा प्रधानमन्त्री ओलीले विश्वासको मतको प्रस्ताव गर्दै छन् । त्यसमा हुने मतदानमा माओवादीले विपक्षमा मतदान गर्ने भएको हो ।

यस्तै जनता समाजवादीका अध्यक्ष बाबुराम भट्टराई र उपेन्द्र यादव पक्षले पनि विपक्षमा मतदान गर्ने भएको छ । कांग्रेसले यसअघि नै विपक्षमा मतदान गर्ने निर्णय गरेको थियो । एमालेको नेपाल–खनाल पक्षका सांसद भने मतदानमा अनुपस्थित हुने निर्णय गरेको छ ।