काठमाडौँ — तोकिएभन्दा धेरै शूल्क लिएकोबारे ह्याम्स र केएमसी अस्पतालले काठमाडौं जिल्ला प्रशासनलाई स्पष्टीकरण बुझाएका छन् । बुधबार काठमाडौंका प्रमुख जिल्ला अधिकार कालिप्रसाद पराजुलीले दुवै अस्पतालका सिइओलाई बोलाएर स्पष्टीकरण सोधेका थिए । बिहीबार साँझ दुवै अस्पतालले लिखित स्पष्टीकरण बुझाएका छन् ।
दुवै अस्पतालले जारी गरेको प्रेस विज्ञप्तिमा स्पष्टीकरण बुझाइएको र तोकिएभन्दा बढी शुल्क नलिइएको दावी गरिएको छ । दुवैले सरकारसँग भएको सम्झौता र मापदण्डअनुसार तोकिएको शूल्कमात्रै लिएको दावी गरेका छन् ।