काठमाडौं उपत्यकामा ३ हजार ८९३ जनामा कोरोना पुष्टि- समाचार - कान्तिपुर समाचार

काठमाडौं उपत्यकामा ३ हजार ८९३ जनामा कोरोना पुष्टि

कान्तिपुर संवाददाता

काठमाडौँ — मंगलबार काठमाडौं उपत्यकामा ३ हजार ८९३ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार काठमाडौंमा २ हजार ७७९ जना, भक्तपुरमा ५१३ जना र ललितपुरमा ६०१ जनामा कोरोना संक्रमण पुष्टि भएको हो ।

मंगलबार देशभर ७ हजार ५ सय ८७ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको १६ हजार १ सय ३१ पीसीआर परीक्षणबाट ७ हजार ५ सय ८७ जनामा कोरोना संक्रमण देखिएको हो ।

यो सँगै नेपालमा कोरोना संक्रमितको संख्या ३ लाख ५१ हजार ५ पुगेको छ ।

२४ घण्टामा कोरोना संक्रमणबाट ५५ जनाको मृत्यु भएको छ । यो सँगै नेपालमा कोरोनाबाट मृत्यु हुनेको संख्या ३ हजार ४ सय १७ पुगेको स्वास्थ्य मन्त्रालयले जनाएको छ ।



प्रकाशित : वैशाख २१, २०७८ १७:२९
प्रतिक्रिया
पठाउनुहोस्

धनुषामा बोरामा फालिएको अवस्थामा बेवारिसे शव फेला

सन्तोष सिंह

धनुषा — जनकपुरमा पुरुषको शव बोरामा फालिएको अवस्थामा फेला परेको छ । जनकपुरधाम–२३ बिन्धीस्थित सिक्सलेन सडक नजिकै बगैंचामा बोरामा राखेर फालिएको अवस्थामा पुरुषको शव फेला परेको हो । 

घाँटीमा डाम देखिएको पहिचान खुल्न नसकेको ५५ वर्षीय पुरुषको शव फेला परेको जिल्ला प्रहरी कार्यालय धनुषाका प्रहरी नयाब उपरीक्षक मकेन्द्र मिश्रले बताए । बोरामा राखेरमाथिबाट बाँधेर फालेको अवस्थामा मंगलबार बिहान शव देखेपछि स्थानीयले प्रहरीलाई खबर गरेका थिए ।

रातिको समयमा शव फालेको हुन सक्ने र थप अनुसन्धान भइरहेको प्रहरीले जनाएको छ ।

प्रकाशित : वैशाख २१, २०७८ १७:२५
पूरा पढ्नुहोस्
प्रतिक्रिया
पठाउनुहोस्
×