सोमबार राति १२ बजेदेखि आन्तरिक उडान बन्द गर्ने मन्त्रिपरिषद्को निर्णय, २२ गते रातिदेखि अन्तर्राष्ट्रिय उडान रोकिने- समाचार - कान्तिपुर समाचार
कान्तिपुर वेबसाईट
AdvertisementAdvertisement

सोमबार राति १२ बजेदेखि आन्तरिक उडान बन्द गर्ने मन्त्रिपरिषद्को निर्णय, २२ गते रातिदेखि अन्तर्राष्ट्रिय उडान रोकिने

सुरज कुँवर

काठमाडौँ — सरकारले सोमबार मध्यरातदेखि आन्तरिक र बुधबार मध्यरातदेखि अन्तर्राष्ट्रिय उडान बन्द गर्ने निर्णय गरेको छ । 

कोरोना संक्रमण भयावह रूपमा बढेको निष्कर्ष निकाल्दै आइतबारको मन्त्रिपरिषद् बैठकले यस्तो निर्णय लिएको कृषि तथा पशुपक्षी विकासमन्त्री पद्माकुमारी अर्यालले बताइन् । कोभिड–१९ संकट व्यवस्थापन केन्द्र (सीसीएमसी) निर्देशक समितिले आन्तरिक उडान बन्द गर्नुपर्ने प्रस्ताव गरेका आधारमा सरकारले उडान रोक्ने निर्णय गरेको हो । ‘२२ गते रातिदेखि भारतसहित सबै अन्तर्राष्ट्रिय उडानमा पनि रोक लगाउने निर्णय भएको छ,’ परराष्ट्रमन्त्री प्रदीपकुमार ज्ञवालीले मन्त्रिपरिषद् बैठकलगत्तै भने ।

मन्त्रिपरिषद् बैठकअघि संस्कृति, पर्यटन तथा नागरिक उड्डयन मन्त्री भानुभक्त ढकालले सीसीएमसीबाट आन्तरिक उडान बन्द गर्ने प्रस्ताव आएकाले तत्कालका लागि उडान बन्द गर्नुपर्ने अवस्था आइलागेको बताएका थिए । काठमाडौंबाहिर पनि निषेधाज्ञा जारी हुने क्रम बढ्दै गइरहेकाले बढीमा वैशाखभर वा ७ देखि १५ दिन ट्रायलका रूपमा आन्तरिक उडान बन्द गरिने उनको भनाइ छ ।

प्रकाशित : वैशाख १९, २०७८ १९:५९
प्रतिक्रिया
पठाउनुहोस्

निगमको न्यारोबडी जहाजमा राष्ट्रपति भण्डारी बंगलादेश जाँदै 

सुरज कुँवर

काठमाडौँ — राष्ट्रपति विद्यादेवी भण्डारी नेपाल वायुसेवा निगमको न्यारोबडी विमान चार्टर गरेर बंगलादेशको दुई दिने राजकीय भम्रणमा जाने भएकी छन् ।

तस्बिर सौजन्य : एजेन्सी

स्रोतका अनुसार, निगमसँग भएका दुइटा न्यारोबडी विमानमध्ये एउटा (नेपाली नाम लुम्बिनी) ले सोमबार बिहान पौने ९ बजेतिर काठमाडौंबाट राष्ट्रपती भण्डारीसहित ३९ जनालाई ढाका पुर्‍याउने छ भने अर्को दिन (मंगलबार) नेपाली नाम सगरमाथा भएको न्यारोबडी विमान काठमाडौंबाट ढाका गएर ल्याएर आउने छ ।

निगमले यो उडानलाई भीभीआईपी चार्टर उडान ००१ भनेको छ ।

निगमका एक अधिकारीका अनुसार, चार्टर उडानको खर्च परराष्ट्र मन्त्रालयमार्फत भुक्तानी हुने छ । निगमले यो चार्टर उडानको प्रतिघन्टा ७ हजार ७ सय १० डलर (करिब ९ लाख) रुपैयाँका दरले रकम लिने छ । ‘काठमाडौंदेखि ढाका करिब ५० मिनेट लामो हवाई दुरी भएकाले निगमले करिब २० लाख रुपैयाँ हाराहारी बराबरको चार्टरबाट भाडा पाउने छ,’ ती अधिकारीले भने, ‘पहिलो दिन जहाज राष्ट्रपतिसहितलाई ढाका छाडेर रित्तै फर्किने छ भने दोस्रो दिन काठमाडौंबाट रित्तै गएर ढाकाबाट राष्ट्रपतिसहितको भम्रण टोलीमा रहेका ४९ जना नेपालीलाई ल्याएर आउने कार्यक्रम तोकिएको छ ।’ फर्किने उडानमा राष्ट्रपतिको उडान हुनुअघि नै बंगलादेश पुगेका राष्ट्रपति कार्यालयका कर्मचारी थपिने छन् ।

बंगलादेशको चार्टर भाडा भन्दा महँगो ग्राउन्ड ह्याण्डलिङ भएपछि निगमले परराष्ट्र मन्त्रालयमार्फत मिनाहाका लागि अनुरोध गरेको छ । ‘ढाकामा हाम्रो विमानको ग्राउन्ड ह्याण्डलिङ गरेको शुल्क ३० हजार डलर (करिब ३५ लाख हाराहारी) लाग्ने एजेन्सीमार्फत जानकारी भयो,’ स्रोतले भन्यो, ‘ग्राउन्ड ह्याण्डलिङको रकम मिनाहाका लागि अनुरोध गरिएको छ यदि मिनाहा नगरिए उक्त बिल परराष्ट्र मन्त्रालयले भुक्तानी गरिदिने छ ।’

बंगलादेशको स्वतन्त्रताको स्वर्ण जयन्ती तथा बंगलादेशका संस्थापक शेख मुजिबर रहमानको शतवार्षिकी कार्यक्रममा राष्ट्रपति भण्डारी समकक्षी मोहम्मद अबदुल हमिदको निम्तोमा ढाका जान लागेकी हुन् । उनीसँगै परराष्ट्रमन्त्री प्रदीप ज्ञवाली, पर्यटन, परराष्ट्र, वाणिज्य मन्त्रालयका सचिव, राष्ट्रपति भण्डारीकी छोरी उषा र नातिनीसहित ३९ जना नेपाली यो भम्रणमा सहभागी हुने निगम स्रोतले जनाएको छ ।

यो उडानमा निगमको १६ जनाको टोली छ । भीभीआईपी उडान भएकाले तीन जना क्याप्टेन, चार जना इन्जिनियर, ६ जना विमान परिचारिका, लोडमास्टर, डिस्प्याचर र निगमका महाप्रबन्धक डिमप्रसाद पौडेल छन् ।


प्रकाशित : चैत्र ६, २०७७ २१:५०
पूरा पढ्नुहोस्
प्रतिक्रिया
पठाउनुहोस्
×