बिहीबारदेखि चिडियाखाना पनि बन्द
काठमाडौँ — सदर चिडियाखाना बिहीबारदेखि बन्द हुने भएको छ । कोरोना भाइरस संक्रमणका बढेपछि सरकारले एक साता निषेधाज्ञा लगाएसँगै चिडियाखाना पनि बन्द हुने भएको हो ।
सरकारको अर्को निर्णय नआएसम्म बिहीबारदेखि वैशाख २२ गतेसम्म चिडियाखाना बन्द गर्ने निर्णय गरिएको प्रमुख चिरञ्जिवी पोखरेलले बताए ।
चिडियाखाना बन्द भएपनि प्रशासनिक तथा अन्य कामहरु स्वास्थ्य सुरक्षाका मापदण्ड अपनाएर सञ्चालन हुने उनले जानकारी दिए ।
उनले भने,'निषेधाज्ञा अवधिभर आगन्तुकहरु आउनुहुन्न,अन्य काम भने हुनेछन् ।' वन्यजन्तुहरुलाई खुवाउने,नियमित औषधि दिनेजस्ता अन्य कामहरु हुने उनले बताए ।
प्रकाशित : वैशाख १५, २०७८ १५:४८प्रतिक्रिया
