नेपालमा थपिए २ हजार २२० कोरोना संक्रमित- समाचार - कान्तिपुर समाचार
कान्तिपुर वेबसाईट
AdvertisementAdvertisement

नेपालमा थपिए २ हजार २२० कोरोना संक्रमित

काठमाडाैं उपत्यकामा थपिए १ हजार ५१ संक्रमित
कान्तिपुर संवाददाता

काठमाडौँ — पछिल्लो २४ घण्टामा नेपालमा २ हजार २ सय २० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालय तस्बिर : बिजु महर्जन/कान्तिपुर

स्वास्थ्य तथा जनसंख्या मन्त्रालयका अनुसार देशका विभिन्‍न प्रयोगशालामा गरिएको ८ हजार ८ सय ४४ पीसीआर परीक्षणबाट बुधबार २ हजार २२० जना संक्रमित फेला परेको हो । त्यस्तै ८ सय ३ एन्टिजेन परीक्षणबाट १३१ जनामा संक्रमण पुष्टि भएको छ ।

२४ घण्टामा पीसीआर र एन्टिजेन विधिबाट भएको परीक्षणबाट २ हजार ३ सय ५१ जना संक्रमित बनेका छन् ।

पछिल्लो २४ घण्टामा २८७ जना डिस्चार्ज भएका छन् ।

यस्तै, काठमाडाैं उपत्यकामा १ हजार ५१ संक्रमित फेला परेको मन्त्रालयले जनाएको छ ।

प्रकाशित : वैशाख ८, २०७८ १६:४६
प्रतिक्रिया
पठाउनुहोस्

बुटवलका सबै शैक्षिक संस्थाहरु वैशाख मसान्तसम्मका लागि बन्द

अमृता अनमोल

बुटवल — कोरोना संक्रमण भयावह बन्दै गएपछि बुटवल उपमहानगरपालिका क्षेत्रभित्रका सम्पूर्ण शैक्षिक संस्थाहरु वैशाख मसान्तसम्मका लागि बन्द गरिएको छ । 

बुटवल उपमहानगरपालिकाले सूचना जारी गर्दै वैशाख ९ गतेबाट वैशाख मसान्तसम्मका लागि सबै शैक्षिक संस्थाहरु बन्द गर्न आग्रह गरेको छ । ‘कक्षा नर्सरीदेखि कक्षा १२ सम्मको भौतिक उपस्थितिमा गरिने पठनपाठन बन्द गरिएको छ,’ उपमहानगरका प्रमुख प्रशाशकीय अधिकृत चक्रपाणी शर्माद्वारा जारी विज्ञप्तिमा लेखिएको छ ।

भौतिक रुपमा बन्द भएका विद्यालयहरुले पनि वैपल्पिक माध्यमबाट कक्षा लिन सक्ने र शैक्षिक गतिविधि गर्न सक्ने नगरपालिकाको विज्ञप्तिमा उल्लेख छ । उपमहानगरले कक्षा ८ को पालिकास्तरीय परीक्षासमेत स्थगित गरेको छ । पूर्वनिर्धारित परीक्षाहरु समेत वैशाख मसान् सम्मका लागि स्थगित गरेको जनाएको छ ।

पठनपाठन बन्द भए पनि विद्यालयको नियमित प्रशासनिक कार्यलाई भने निरन्तरता दिन सकिने उपमहानगरपालिकाले जनाएको छ ।



प्रकाशित : वैशाख ८, २०७८ १६:४१
पूरा पढ्नुहोस्
प्रतिक्रिया
पठाउनुहोस्
×