माधव नेपाल सहित एमालेका ८ जनामाथि अन्तिम स्पष्टीकरण सोधिने
काठमाडौँ — नेकपा एमालले कर्णाली प्रदेशमा फ्लोर क्रस गर्न लगाउने र गर्ने माधव नेपाल सहित ८ जनालाई स्पष्टिकरण सोध्ने निर्णय गरेको छ ।
सोमबार प्रधानमन्त्रीको सरकारी निवास बालुवाटारमा बसेको एमालेको दशौं महाधिवेशन आयोजक कमिटी बैठकले यसअघि निलम्बनमा परेका नेता नेपाल सहित भीम रावल, घनश्याम भुसाल, सुरेन्द्र पाण्डेलाई अन्तिम चेतावनीयुक्त दुई दिनभित्र स्पष्टिकरण माग गर्ने निर्णय गरेको हो । बैठकपछि प्रवक्ता प्रदिप ज्ञवालीले कर्णालीमा फ्लोर क्रस गरेका तर हाल निलम्बनमा रहेका प्रकाश ज्वाला सहित चार सांसद्लाई पनि चित्तबुझ्दो स्पष्टिकरण दिन दुई दिनकाे समय दिएको जानकारी दिए।
*यसअघिको समाचारमा ८ जनालाई स्पष्टिकरण साेधिने हुनेपर्नेमा २० जनालाई हुन गएकोमा सच्याइएको छ ।–सं
प्रकाशित : वैशाख ६, २०७८ १६:२६