कर्णालीमा ‘फ्लोर क्रस’ गर्ने एमालेका ४ सांसदलाई पार्टीबाट निष्कासन- समाचार - कान्तिपुर समाचार

कर्णालीमा ‘फ्लोर क्रस’ गर्ने एमालेका ४ सांसदलाई पार्टीबाट निष्कासन

कलेन्द्र सेजुवाल

सुर्खेत — दलको निर्देशनविपरीत ‘फ्लोर क्रस’ गर्ने कर्णाली प्रदेशसभाका ४ जना सांसदलाई एमाले संसदीय दलले पार्टीबाट निष्कासन गर्नको लागि केन्द्रीय कमिटी समक्ष सिफारिस गर्ने निर्णय गरेको छ । शुक्रबार साँझ दलका नेता यामलाल कँडेलको अध्यक्षतामा बसेको बैठक उक्त निर्णय गरेको हो ।

संसदीय दलका प्रमुख सचेतक गुलाबजंग शाहले सांसदहरु प्रकाश ज्वाला, अमरबहादुर थापा, कुर्मराज शाही र नन्दसिंह बुढालाई पार्टीबाट निस्कासन गर्नको लागि सिफारिस गर्ने निर्णय गरिएको जानकारी दिए । त्यस्तै ‘फ्लोर क्रस’ गरेर पछि आफ्नो मत सच्याएकी देवी ओलीलाई २४ घण्टे स्पष्टिकरण सोध्ने निर्णय भएको उनले बताए ।

शुक्रबार कर्णालीका मुख्यमन्त्री महेन्द्रबहादुर शाहीले पेश गरेको विश्वासको प्रस्तावमा चार सांसदले पक्षमा मतदान गरेका थिए । यसबाट कर्णाली सरकार जोगिएको छ ।

प्रकाशित : वैशाख ३, २०७८ २०:२०
प्रतिक्रिया
पठाउनुहोस्

एमाले सुदूरपश्चिम दलको बैठकमा ओली पक्ष अनुपस्थित

अर्जुन शाह

धनगढी — नेकपा एमाले सुदूरपश्चिम प्रदेश संसदीय दलको बैठक शुक्रबार बसेको छ । बैठकमा ओली पक्षीय सांसद भने अनुपस्थित रहे ।

साविक नेकपाबाट एमाले ब्युँतिएपछि पहिलो पटक सुदूरपश्चिममा संसदीय दलको बेठक बसेको हो ।

सुदूरपश्चिमको एमाले संसदीय दलमा भीम रावल पक्षधरको बाहुल्यता छ । सभामुखसहित २५ जना प्रदेश सांसद रहेको एमालेमा ६ जना मात्रै ओली पक्षमा लागेका छन् । शुक्रबारको बैठकमा १७ जना उपस्थित भएको सांसद लालबहादुर खडकाले बताए । ‘सभामुख तटस्थ रहने भएकाले २४ जना सांसदमध्ये हाम्रो समूहमा १८ जना सांसद छौं,’ रावल पक्षीय सांसद खड्काले भने, ‘सामाजिक विकास मन्त्री काम विशेषले बाहिर भएकाले आजको बैठकमा १७ जना उपस्थित भयौं ।’

विधायन समितिका सभापति नेपालु चौधरी, सांसदहरु लीलाधर भट्ट, ग्याल्बोसिंह बोहरा, पठानसिंह बोहरा, रतनबहादुर थापा र माया तामाङ ओली पक्षमा छन् । ‘म त धनगढी बाहिर छु, छोटो समयमा खबर प्राप्त भएको थियो, आउन भ्याइएन,’ सांसद लीलाधर भट्टले भने ।

संसदीय दलका नेता प्रकाशबहादुर शाहको अध्यक्षतामा बसेको बेठकले दलको विधान पारित गरेको सांसद खड्काले बताए । यस अघि नेकपाको विधान थियो । पूर्ववत रुपमा पार्टी एमालेमा फर्किएपछि एमाले संसदीय दलको विधान पारित गरिएको उनले बताए । पारित विधानअनुसार प्रदेशसभामा दलका नेता चयन हुने उनको भनाइ छ ।

प्रकाशित : वैशाख ३, २०७८ २०:१२
पूरा पढ्नुहोस्
प्रतिक्रिया
पठाउनुहोस्
×