कोसी अस्पतालमा थप एक संक्रमितको मृत्यु
मोरङ — विराटनगरस्थित कोसी अस्पतालको कोभिड १९ उपचार केन्द्रमा उपचाररत कोरोना संक्रमित एक महिलाको बिहीबार मृत्यु भएको छ ।
उपचार केन्द्रका निमित्त संयोजक एपोलोकुमार भगतले विराटनगर–४ बरगाछीकी ४६ वर्षीया महिलाको बिहीबार बिहान ४:३० बजे मृत्यु भएको बताए । उपचारका लागि नोबेल अस्पताल पुगेकी ती महिलाको पीसीआर परीक्षण गराउँदा संक्रमण पुष्टि भएपछि कोसी अस्पतालमा भर्ना गरिएको थियो ।
ती महिलाका पति पनि संक्रमित भएको र उनको कोभिड १९ उपचार केन्द्रमा उपचार भइरहेको भगतले जानकारी दिए ।
प्रकाशित : वैशाख २, २०७८ ०९:१५प्रतिक्रिया
