शुक्रबारका लागि बोलाइएको कांग्रेस केन्द्रीय कार्यसमिति बैठक सर्‍यो- समाचार - कान्तिपुर समाचार

शुक्रबारका लागि बोलाइएको कांग्रेस केन्द्रीय कार्यसमिति बैठक सर्‍यो

कान्तिपुर संवाददाता

काठमाडौँ — शुक्रबारका लागि बोलाइएको कांग्रेस केन्द्रीय कार्यसमितिको बैठक सरेको छ । कांग्रेस केन्द्रीय कार्यालयका मुख्यसचिव कृष्णप्रसाद पौडेलका अनुसार चैत २७ गतेलाई बोलाइएको बैठक चैत ३० गतेका लागि सारिएको हो ।

केन्द्रीय कार्यालय सानेपामा बसेको कांग्रेस केन्द्रीय कार्यसमितिको बैठक । फाइल तस्बिर : रोशन सापकोटा/रासस

समसामयिक राजनीतिक अवस्था र पार्टीको आगामी रणनीतिबारेमा छलफलका लागि बोलाइएको उक्त बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित सदस्यहरुलाई बोलाइएको छ ।

यसअघि चैत २० गते बसेको कांग्रेस केन्द्रीय कार्यसमितिको बैठकले प्रधानमन्त्री केपी शर्मा ओलीको राजीनामा माग्दै आफ्नै नेतृत्वमा वैकल्पिक सरकार निर्माणको पहल गर्ने निर्णय लिएको थियो ।

आफैंले विघटन गरेको प्रतिनिधिसभा विघटनलाई सर्वोच्च अदालतले असंवैधानिक भनिसकेपछि ओलीले नैतिकताका आधारमा राजीनामा दिएर मार्गप्रशस्त गर्नुपर्ने कांग्रेस बैठकले निचोड निकालेको थियो ।

प्रकाशित : चैत्र २६, २०७७ १३:२०
प्रतिक्रिया
पठाउनुहोस्

पत्रकार महासंघ सल्यानमा १ मतले नविन पौडेल विजयी

विप्लव महर्जन

सल्यान — नेपाल पत्रकार महासंघ जिल्ला शाखा सल्यानको अध्यक्षमा नविन पौडेल निर्वाचित भएका छन् ।

मिना बुढाथोकीलाई एक मतले पराजित गर्दै पौडेल विजयी भएका हुन् ।

पौडेलले ४४ मत ल्याएका थिए भने प्रतिद्वन्द्वी मिना बुढाथोकीले ४३ मत ल्याएकी थिइन् । ९२ जना मतदाता रहेको सल्यानमा ८७ मत खसेको निर्वाचन समितीका संयोजक मनविर बस्नेतले बताएका छन् ।

उनका अनुसार खुला उपाध्यक्षमा संयुक्त गठबन्धनका शंकर केसीले ४६, महिला उपाध्यक्षमा सरिता चलाउने ४६, सचिवमा टिकाराम भण्डारी ४८, सहसचिवमा आषिक केसी ४६, समावेशी सहसचिवमा बुद्धिमान पुन ५७, कोषाध्यक्षमा शिवलाल डाँगी ५१ मत ल्याइ विजयी भएका छन् । यस्तै, दलित सदस्यमा खेमराज स्वर्णकार ७७, खुला सदस्यमा अमृत बुढाथोकी ५१, भरत देवकोटा ४२, सञ्जिव श्रवण देवकोटा ४२, पदम गिरी ४१, महेशकुमार ओली ४० मत ल्याइ विजयी भएका छन् ।

केन्द्रीय परिषद् सदस्यमा डिल्लीराज रावत ६२, योगराज विक ३५, प्रदेश सदस्यमा प्रकाश भण्डारी ५१, धिरज रावत ४८, धनेन्द्र विमल ओली ४४, इस्वरी प्रकाश केसी ४३ र झनकबहादुर केसीले ४२ मत ल्याइ विजयी भएका छन् । महिला सदस्यतर्फबाट टीका केसीले ५० मत ल्याएर विजयी भएकी निर्वाचन समितीका संयोजक बस्नेतले जानकारी गराए ।

जिल्लामा ९२ जना पत्रकार रहेकामा ८७ जनाले मतदान गरेका थिए ।

प्रकाशित : चैत्र २६, २०७७ १३:०३
पूरा पढ्नुहोस्
प्रतिक्रिया
पठाउनुहोस्
×