कांग्रेस संकटमा छैन : सभापति देउवा- समाचार - कान्तिपुर समाचार

कांग्रेस संकटमा छैन : सभापति देउवा

कान्तिपुर संवाददाता

काठमाडौँ — नेपाली कांग्रेसका सभापति शेरबहादुर देउवाले पार्टी संकटमा नभएको बताएका छन् । नेता नवीन्द्रराज जोशीको १३औं दिनको पुण्यतिथिमा आयोजित श्रद्धाञ्जलीसभामा बोल्दै सभापति देउवाले कांग्रेसले आफूलाई कमजोर ठान्नुपर्ने अवस्था नरहेको बताएका हुन् ।

देउवाले पार्टीभित्र कुनै किसिमको विवाद नरहेको पनि बताए । नेताहरुले पार्टी संकटमा रहेको भन्दै विभिन्न सार्वजनिक कार्यक्रमहरुमा बोलेको विषयलाई खण्डन गर्दे सभापति देउवाले पार्टी कहिल्यै पनि संकटमा नरहेको ठोकुवा गरेका हुन् ।

‘यहाँ दोहोरी खेल्ने कुरा छैन । नेपाली कांग्रेस संकटमा हिजो पनि थिएन । आज पनि छैन । भोलि पनि रहँदैन । नेपाली कांग्रेसको ऐतिहासिक जिम्मेवारी र भूमिका छ । यसलाई सबैले निभाउँदै गएका छौँ । धेरै पटक हामी हारेका छौँ । धेरै पटक जितेका पनि छौ । त्यसैकारण हामीले डिमोरलाइज हुने काम छैन । आफैले आफैलाई कमजोर गर्ने काम पनि छैन । त्यसैले हाम्रो पार्टी संकटमा छैन,’ देउवाले भने ।

त्यस्तै देउवाले नेता जोशीको निधनले पार्टीले पार्टीको नेतृत्व गर्न सक्ने क्षमता भएको नेता गुमाएको बताए । देउवाले स्वर्गीय जोशीले पार्टी र सरकारमा मन्त्री हुँदा गरेको काम उदाहरणीय रहेको बताए । जोशीमा पार्टीको नेतृत्व गर्न सक्ने क्षमता भएको र उनको निधनले पार्टीले पार्टी हाँक्ने नेता गुमाउनुपरेको देउवाको भनाइ थियो ।

त्यस्तै कार्यक्रममा वरिष्ठ नेता रामचन्द्र पौडेलले जोशीको असामयिक निधले पार्टीमा अपुरणीय क्षति पुगेको बताए । उनले जोशीले थालेका कामलाई सबै मिलेर सम्पन्न गर्नुपर्नेमा पनि जोड दिए ।

प्रकाशित : चैत्र २५, २०७७ १२:१७
प्रतिक्रिया
पठाउनुहोस्

गण्डकी प्रदेश : राजीनामा दिँदै माओवादी मन्त्री

प्रदेश सरकारलाई दिएको समर्थन भने तत्काल फिर्ता नलिने
लालप्रसाद शर्मा

पोखरा — गण्डकी प्रदेश सरकारमा सहभागी माओवादी केन्द्रका दुई मन्त्रीले राजीनामा दिने भएका छन । प्रदेश सरकारलाई दिएको विश्वासको मत भने तत्काल फिर्ता नलिने उक्त पार्टीले जनाएको छ । 

हरिबहादुर चुमान र लेखबहादुर थापा

बुधबार भएको संसदीय दलको बैठकले मन्त्री फिर्ता बोलाउने निर्णय गरेको हो । गण्डकी प्रदेशसभाको बुधबारदेखि हिउँदे अधिवेशन सुरु हुँदैछ । अधिवेशनको पहिलो दिनको बैठकमै राजीनामाको घोषणा गर्ने तयारी भएको माओवादीका एक सांसदले कान्तिपुरलाई बताए । ‘मन्त्रीमात्रै फिर्ता बोलाउन लागेका हौँ, विश्वासको मत भने होइन,’ ती सांसदले भने ।

भूमि व्यवस्था, कृषि तथा सहकारीमन्त्री लेखबहादुर थापाले संसदीय दलमा छलफल भएको तर राजीनामाको टुंगो नलागिसकेको बताए । ‘प्रदेशसभा बैठकमै गएपछि मात्रै राजीनामाबारे थाहा हुन्छ,’ उनले भने । गण्डकी सरकारमा माओवादी केन्द्रबाट आन्तरिक मामिला तथा कानुनमन्त्री हरिबहादुर चुमान र मन्त्री थापा गरी दुई मन्त्री रहेका छन । २०७४ फागुन ४ देखि दुवैजना मन्त्री रहँदै आएका थिए ।

एमालेलाई मुख्यमन्त्री र माओवादीलाई सभामुखको पद बाँडिएको थियो । ६० सदस्यीय गण्डकी प्रदेशसभामा एमाले २८, कांग्रेस १५, माओवादी १२, राष्ट्रिय जनमोर्चा ३ र जनता समाजवादीका २ सदस्य छन । पृथ्वीसुब्बा गुरुङ नेतृत्वको प्रदेश सरकारलाई अहिलेसम्म माओवादी र राजमोको समर्थन छ ।

प्रकाशित : चैत्र २५, २०७७ १२:०३
पूरा पढ्नुहोस्
प्रतिक्रिया
पठाउनुहोस्
×