नेपालको प्रतिक्रिया : त्यस्तो कारबाहीको कुनै अर्थ छैन

सोमबार पार्टी अध्यक्ष एवं प्रधानमन्त्री केपी शर्मा ओलीले नेपाललाई पार्टी सदस्यबाट ६ महिनाको लागि निलम्बित गरेका छन् ।

• नेपाल र रावल एमाले पार्टी सदस्यबाट निलम्बित [पत्रसहित]

त्यसबारे कान्तिपुरसँगको छोटो कुराकानीमा नेपालले भने, 'त्यसको केही अर्थ छैन । केपी ओली नेकपा एमालेको केन्द्रीय कमिटी अध्यक्ष नै हैन । उनले केन्द्रीय कमिटी पनि भंग गरिसके । त्यहिभएर उनले कारबाही गर्न मिल्दैन । उहाँले विधान विपरितको कदम चालेको हुँदा अवैधानिक अध्यक्ष हो ।'

नेपालले अझै पत्र नबुझेको बताए ।

'पत्र अझै आएको त छैन,' नेपालले भने, ‘कसलाई कसलाई थप्ने हो, को–कसलाई निकाल्ने हो उनको देब्रे हातको कुरा हो । उनलाई पार्टी चाहिए पो, कम्युनिष्ट पार्टी उनलाई चाहिए पो । उनी त अराजक भएका छन् । त्यहि भएर के के गर्छन्, उनको कुरा भो ।’