सरकारको नेतृत्व गर्न तयार छु : देउवा

बाराको पचरौता नगरपालिकाअन्तर्गत भारतीय सीमावर्ती गाउँ बेल्दारीमा खुमबहादुर खड्का स्मृति प्रतिष्ठानद्वारा आइतबार आयोजित कुस्ती प्रतियोगिता उद्घाटन गर्ने क्रममा उनले कांग्रेस पदको लोभी नभएको बताए । ‘जब-जब देशमा संकट आएको छ, तब-तब नेपाली कांग्रेसले सरकारको नेतृत्व गरेर देशलाई निकास दिएको इतिहास छ,’ उनले भने, ‘अहिले पनि देशको राजनीति संकटले सरकार अप्ठ्यारोमा परेकाले त्यसको निकास दिन सरकारको जिम्मेवारी लिन म तयार छु ।’

हेलिकप्टर प्रयोग गरी सभालाई सम्बोधन गर्न आएका उनले खेलकुद विकास गर्न पार्टीले खेलकुदलाई जहिल्यै प्राथमिकतामा राखेको बताए ।