वर्तमान सरकार टिकाउने नटिकाउने भन्ने बारेमा मलाई कसैले केही भनेको छैन : माधव नेपाल

संसद् भवनमा बुधबार सञ्चारकर्मीहरुसँग कुरा गर्दै नेता नेपालले सरकारको निरन्तरताको विषयमा छलफल गर्नका लागि सरकारका मानिसहरु आफूसँग कुरै गर्न नआएको बताएका हुन् । उनले भने,' मलाई सरकारका मान्छे भन्छन् तर मलाई नै थाहा छैन ।'

उनले पार्टीभित्रको विमतिलाई कसरी सम्बोधन गर्ने भन्ने विषयमा विस्तृत रुपमा छलफल गर्ने बताए । 'छलफल, बहस र विवादबाटै हामी कहिल्यै पनि डराउँदैनौं । यो राजनीतिज्ञहरुको विशेषता पनि हो,' उनले भने ।

एमाले केन्द्रीय कमिटी बैठक बोलाउनेबारे आफूलाई केही थाहा नभएको उनको भनाइ थियो ।