संसद्मा अब नयाँ खेल सुरु हुन्छ : झलनाथ खनाल
काठमाडौँ — नेकपा एमालेका वरिष्ठ नेता झलनाथ खनालले संसद्मा नयाँ खेल सुरु हुने बताएका छन् । उनले संसद् भनेको राजनीतिक दलहरुका लागि सबैभन्दा माथिको राजनीतिक मञ्च भएको बताउँदै अब नयाँ खेल सुरु हुने बताएका हुन् ।
बानेश्वरस्थित संसद् भवनमा सञ्चारकर्मीहरसँग कुरा गर्दै नेता खनालले भने,'देशका सबै राजनीतिक पार्टीहरुले खेल्ने ठाउँ नै संसद् हो । अब नयाँ खेल सुरु हुन्छ । अबका नयाँ परिदृश्यहरु विस्तारै देख्नुहुन्छ । '
उनले संसद् पुनर्स्थापना आफैंमा ऐतिहासिक भएको बताउँदै संविधानको मर्म र भावना अनुरुप अब अगाडि बढ्नुको कुनै विकल्प नभएको बताए ।
यस्तै, उनले वर्तमान सरकारले अबको दुई वर्ष पुरा गर्नुपर्ने बताएका छन् । उनले भने,' नेकपा एमालेको वरिष्ठ नेताको हैसियतले यो सरकारले दुई वर्ष पुरा गरोस् भन्ने चाहान्छु । हाम्रो पार्टीको सरकार भएकाले पार्टीले सरकार जोगाउने हो संसद्को कुरा हो । सरकार जोगाउने हाम्रो पार्टी हो । '
प्रकाशित : फाल्गुन २६, २०७७ १४:४२