चितवन निकुञ्जमा गैंडा र बाघ मृत फेला - समाचार - कान्तिपुर समाचार

चितवन निकुञ्जमा गैंडा र बाघ मृत फेला 

नारायण शर्मा

नवलपरासी — चितवन राष्ट्रिय निकुञ्जमा गैंडा र बाघ मृत अवस्थामा फेला परेका छन् । निकुञ्जको छुट्टाछुट्टै स्थानमा भाले गैंडा र लिंग पहिचान हुन नसकेको बाघ मृत अवस्थामा फेला परेको सूचना अधिकारी लोकेन्द्र अधिकारीले बताए । 

निकुञ्जको पश्चिम सेक्टर अन्तर्गत अमलटारी नजिक नारायणी नदीको कलकत्ता टापुमा अन्दाजी ३० वर्षको भाले गैंडा मृत अवस्थामा फेला परेको निकुञ्जले जनाएको छ । उक्त गैंडा जुधेर मृत्यु भएको अधिकारीले बताए ।

योसँगै एक वर्षको अवधिमा निकुञ्जमा २६ वटा गैंडाको मृत्यु भएको छ । तीमध्ये २२ वटा प्राकृतिक र ४ वटा चोरी सिकारीको कारण मृत्यु भएको अधिकारीले जानकारी दिए ।

त्यस्तै, निकुञ्जको सौराहा सेक्टरमा पर्ने चपरचुली खहरे खोला क्षेत्रमा अन्दाजी ४ वर्षको लिंग पहिचान हुन नसकेको पाटे बाघ मृत अवस्थामा फेला परेको छ । बाघको प्राकृतिक कारण मृत्यु भएको हुन सक्ने अधिकारीले बताए ।

प्रकाशित : फाल्गुन २५, २०७७ १४:१९
प्रतिक्रिया
पठाउनुहोस्

जसपा संसदीय दलको बैठक सुरु 

कान्तिपुर संवाददाता

काठमाडौँ — जनता समाजवादी पार्टीको संसदीय दलको बैठक सुरु भएको छ । सिंहदरबारस्थित पार्टी संसदीय दलको कार्यालयमा बैठक बसिरहेको छ । 

बैठकमा अध्यक्ष उपेन्द्र यादव, महन्थ ठाकुर, शरदसिंह भण्डारीलगायत उपस्थित छन् ।

पछिल्लो राजनीतिक घटनाक्रम र समसामयिक विषयवस्तुमा केन्द्रित भएर बैठक बसेको हो । प्रतिनिधिसभा पुनःस्थापनापछि बसेको संसद् बैठक र सरकारको नेतृत्व गरिरहेको नेकपामा आएको विवादपछि आफ्नो दलले संसद् र सरकारमा कस्तो भूमिका खेल्ने भन्ने रणनीतिबारे छलफल बैठकमा हुँदैछ ।

प्रकाशित : फाल्गुन २५, २०७७ १४:१३
पूरा पढ्नुहोस्
प्रतिक्रिया
पठाउनुहोस्
थप केही समाचारबाट
×