कर्णाली नदीमा हात बाँधेको अवस्थामा दिदीबहिनी मृत फेला

दैलेखको आठवीस नगरपालिकाको राकम कर्णालीस्थित साईखोला नजिक कर्णाली नदीमा पानीमा डुबिरहेको अवस्थामा स्थानीयले दुईजनाको शव फेला पारेका हुन् ।

मृत फेला पर्ने आठवीस नगरपालिका-३ निमायलका स्थानीय मानसिंह बडुवालका १६ वर्षीया छोरी कल्पना बडुवाल र १२ वर्षीया सरिता बडुवाल रहेको प्रहरीले बताएको छ ।

जिल्ला प्रहरी कार्यालयले प्रारम्भिक अनुसन्धानबाट घटनाबारे विस्तृत कुरा खुल्न नसकेको बताएको छ ।

बाबु मानसिंह बडुवालले भने सामान्य घरायसी विवाद भएकाले श्रीमतीले छोरी लिएर घरबाट निस्केको बताएका छन् ।

घटनाका सम्बन्धमा प्रहरीले भने थप अनुसन्धन भइरहेको बताएको छ ।