झापामा कार र ट्रक ठोक्किँदा २ को मृत्यु, ४ जना सख्त घाइते

पूर्वपश्चिम राजमार्गअन्तर्गत सुरुङ्गा–माई सडक खण्डमा प्रदेश १–०४–००१च ०१६७ नम्बरको कार र ग्यास बोकेको ट्रक एकआपसमा ठक्कर खाई अनियन्त्रित भएको थियो । ट्रकले कारलाई ओभरट्याक गर्ने क्रममा दुर्घटना भएको हुन सक्ने प्रहरीले अनुमान गरेको छ । अनियन्त्रित ट्रकमा प्रदेश १–०१३ प १७८३ नम्बरको मोटरसाइकल पनि ठक्कर खाएको थियो ।

दुर्घटनामा कारका चालक धरान १६ का दिपक क्षेत्री र कारमा सवार सोलुखुम्बुका दिलीप रानाको घटनास्थलमै मृत्यु भएको इलाका प्रहरी कार्यालय विर्तामोडले जनाएको छ ।

सवारीमा सवार अन्य दुई जना सोलुम्बुकै अन्जु मगर र सुरेश मगरको बिएन्डसी अस्पताल विर्तामोडमा उपचार भइरहेको छ ।

प्रदेश १–०१३ प १७८३ नम्बरको मोटरसाइकलका चालक शिवसताक्षी २ का ज्ञानबहादुर प्रसाईं र पछाडी सवार निजकी श्रीमती सोनम श्रेष्ठ पनि घाइते छन् । उनीहरुको पनि उपचार भइरहेको छ ।