सर्वोच्चले देशलाई दुर्घटनामा जानबाट जोगायो : रामचन्द्र पौडेल- समाचार - कान्तिपुर समाचार

सर्वोच्चले देशलाई दुर्घटनामा जानबाट जोगायो : रामचन्द्र पौडेल

'ओलीलाई अब एक सेकेन्ड पनि सत्तामा बस्ने अधिकार छैन'
कान्तिपुर संवाददाता

काठमाडौँ — नेपाली कांग्रेसका वरिष्ठ नेता रामचन्द्र पौडेलले सर्वोच्च अदालतले प्रतिनिधिसभा पुनस्थापनाको फैसला गरेर देशलाई दुर्घटनामा जानबाट जोगाएको बताएका छन् । 

'संविधानअनुसार न्याय दिएर सर्वोच्चले देशलाई दुर्घटनाबाट बचाएको छ । म न्यायमुर्तिहरुलाई धन्यवाद दिन्छु,' इकान्तिपुरलाई दिएको संक्षिप्त प्रतिक्रियामा पौडेलले भने । उनले अब संसदले नै नयाँ नेतृत्व चयन गर्नुपर्ने पनि बताए ।

'केपी शर्मा ओलीलाई अब सत्तामा एक सेकेन्ड पनि रहने नैतिक अधिकार छैन । उनले तुरुन्त राजीनामा दिनुपर्छ,' पौडेलले भने ।

प्रकाशित : फाल्गुन ११, २०७७ १९:०४
प्रतिक्रिया
पठाउनुहोस्

प्रधानमन्त्रीले आत्मालोचना गर्दै राजीनामा दिनुपर्छ : नारायणकाजी श्रेष्ठ

कान्तिपुर संवाददाता

काठमाडौँ — नेकपाको दाहाल–नेपाल समूहका प्रवक्ता नारायणकाजी श्रेष्ठले सर्वोच्च अदालतले ऐतिहासिक निर्णय गरेर देशलाई राजनीतिक संकटको अँध्यारो सुरुङमा जानबाट जोगाएको बताएका छन् । 

‘सर्वोच्च अदालतले संविधानसंगत ढंगले ऐतिहासिक निर्णय गरेको छ । संविधान र लोकतन्त्रको रक्षा गर्ने काम भएको छ,’ श्रेष्ठले भने,‘देशलाई प्रतिगमन र राजनीतिक संकटको अध्यारो सुरुङतर्फ जानबाट बचाएको छ । त्यसकारण यो नेपाली जनता, संविधान, लोकतन्त्रको जित हो । हामी सबैको निम्ति यो खुशीको कुरा हो ।’

इकान्तिपुरसँग छोटो प्रक्रिया दिँदै श्रेष्ठले प्रधानमन्त्रीले केपी ओलीले आत्मालोचना गर्दै राजीनामा दिनुपर्ने बताए । ‘प्रतिनिधिसभाको बैठकको मिति नै निश्चित भएको सन्दर्भमा संसदीय प्रक्रियाबाट नै अगाडि बढ्छौं । किनभने संविधान कार्यान्वयन र लोकतन्त्रको अभ्यासको प्रक्रिया अगाडि बढ्ने भएपछि सबै कुरा त्यसै अनुसार अगाढि बढ्छौं । तर असंवैधानिक र प्रतिगामी कदम र राजनीतिक संकट उत्पन्न गर्ने कार्यका निम्ति प्रधानमन्त्रीले आत्मालोचना गर्दै राजीनामा दिनुपर्छ,’ उनले भने ।

प्रकाशित : फाल्गुन ११, २०७७ १८:५३
पूरा पढ्नुहोस्
प्रतिक्रिया
पठाउनुहोस्
×