कोरोना अपडेट : २४ घण्टामा ११० संक्रमित, ४ को मृत्यु- समाचार - कान्तिपुर समाचार

कोरोना अपडेट : २४ घण्टामा ११० संक्रमित, ४ को मृत्यु

कान्तिपुर संवाददाता

काठमाडौँ — पछिल्लो २४ घण्टामा नेपालमा ११० जनामा कोरोना भाइरस संक्रमण देखिएको छ । स्वास्थ्य मन्त्रालयका अनुसार मंगलबार मुलुकका विभिन्न प्रयोगशालामा गरिएको परीक्षणमा ११० जनामा संक्रमण पुष्टि भएको हो । योसँगै नेपालमा कोरोना भाइरसबाट संक्रमित हुनेको संख्या २ लाख ७३ हजार ६६६ पुगेको छ । नेपालमा १ हजार ५३३ सक्रिय संक्रमित रहेका छन् ।

पछिल्लो २४ घण्टामा थप १०२ जना संक्रमणमुक्त भएका छन् । हालसम्म निको हुनेको संख्या २ लाख ७० हजार ६८ रहेको छ ।

यसैगरी पछिल्लो २४ घण्टामा ४ जनाको कोरोना संक्रमणबाट मृत्यु भएको छ । योसँगै नेपालमा कोरोनाबाट मृत्यु हुनेको संख्या २ हजार ६५ रहेको छ ।

हालसम्म देशभर २१ लाख ४६ हजार ५३३ नमुनाको पीसीआर परीक्षण भएको छ । क्वारेन्टाइनमा ६५ जना रहेका छन् ।

प्रकाशित : फाल्गुन ११, २०७७ १६:३१
प्रतिक्रिया
पठाउनुहोस्

स्रोत नखुलेको १० लाख रुपैयाँसहित दुई महिला पक्राउ

अवधेशकुमार झा

राजविराज — स्रोत नखुलेको १० लाख रुपैयाँसहित प्रहरीले दुई महिलालाई नियन्त्रणमा लिएको छ ।

नेपाल भारत सीमा नाका तिलाठीस्थित सशस्त्र प्रहरीको बोर्डर आउट पोस्ट नजिक जाँच्ने क्रममा ती दुई महिलासँग १० लाख नेपाली रुपैयाँ फेला परेको र उक्त रकमको स्रोत देखाउन नसकेकोले निण्न्त्रणमा लिइएको सशस्त्र प्रहरी उपरीक्षक राजु श्रेष्ठले जानकारी दिए ।

पक्राउ पर्नेमा सप्तरीको छिन्नमस्ता गाउँपालिका–५ की कविता दास र रिंकु दास रहेको उनले बताए । ‘शंका लागेर जाँच्दा १० लाख रुपैयाँ फेला पर्‍यो,’ सशस्त्र प्रहरी उपरीक्षक श्रेष्ठले भने,‘आवश्यक अनुसन्धान र कारबाहीका लागि भन्सार कार्यालयमा पठाइएको छ ।’

प्रकाशित : फाल्गुन ११, २०७७ १६:२४
पूरा पढ्नुहोस्
प्रतिक्रिया
पठाउनुहोस्
×