पूर्वप्रधानन्यायाधीश र पूर्वप्रधानमन्त्रीहरु सडक भत्काउँदै हिँडेका छन् : बालकृष्ण ढुं‌गेल

शनिबार विराटनगरमा आयोजित ओली नेतृत्वको आमसभालाई सम्बोधन गर्दै ढुंगेलले अहिले नेपालमा पूर्वहरुको राज्य चलिरहेको बताएका हुन् ।

पूर्वमाओवादी नेतासमेत रहेका ढुंगेलले सम्बोधनका क्रममा भने, ‘आज सडकमा पूर्वहरुको राज्य चलिरहेको छ । पूर्वप्रधानन्यायाधीहरु र पूर्वप्रधानमन्त्रीहरु आज समाजवाद ल्याउनका निम्ति नेपाल सरकारले पिच गरेका नेपाली जनताका सम्पत्ति सडकहरु भत्काउँदै बमहरु राखेर समाजवादको यात्रा तय गर्दै हुनुहुन्छ । हामीलाई अब बमको यात्रा स्वीकाऱ्य छैन । बलिदानको यात्रा स्वीकाऱ्य छैन । मृत्युको यात्रा स्वीकार्य छैन ।’

नेता ढुंगेलले केपी शर्मा ओली नेतृत्वको सरकारले कालापानी कालापानी, लिम्पियाधुरा र लिपुलेकलाई नक्सामा समेटेपछि केही व्यक्ति विचलित भएको आरोप पनि लगाए । ‘कालापानी हाम्रो भूभाग हो भनेपछि केही साथीहरुको निदहराम भयो,’ उनले भने ।