गाडी चढेर बन्दमा सहभागी भए दाहाल

तर, उनीहरूका नेता भने विरोध प्रदर्शनको निरीक्षण गर्न भन्दै आफैं गाडी चढेर काठमाडौं सयर गर्दै छन् । नेकपा अध्यक्ष पुष्पकमल दाहाल बा१७च ३०७१ नम्बरको ल्यान्ड क्रुजर गाडी चढेर ललितपुरको पुलचोक पुगेका थिए । त्यहाँ उनी गाडीबाट ओर्लिएर बीच सडकमा केही समय पलेटी कसेर बसेका थिए । त्यसपछि फेरि गाडी चढेर जावलाखेलतर्फ लागेका थिए । त्यहाँ उनले सडकमै बसेर बन्दकर्ताको नेतृत्व गरेका थिए । उनीसँगै पम्फा भुसाललगायत नेता–कार्यकर्ता पनि सहभागी थिए ।

बिहानै प्रहरीले कलंकी चोकबाट नेत्री अष्टलक्ष्मी शाक्यसहितलाई नियन्त्रणमा लिएपछि कार्यकर्ताले विभिन्न स्थानबाट जुलुससहित प्रदर्शन गरेका थिए । चावहिल चोकबाट बिहान प्रहरीले कृष्ण केसीलगायत नेता–कार्यकर्तालाई नियन्त्रणमा लिएको छ ।

प्रहरीले विभिन्न स्थानबाट दर्जनौं प्रदर्शनकारीलाई नियन्त्रणमा लिएको छ । प्रदर्शन सफल बनाउन दाहाल–नेपाल समूहले काठमाडौंका प्रमुख स्थानका लागि कमान्डर नै तोकेको थियो ।