नेकपाको विवाद हेरिरहेका अधिकारीको सरुवा- समाचार - कान्तिपुर समाचार
कान्तिपुर वेबसाईट
AdvertisementAdvertisement

नेकपाको विवाद हेरिरहेका अधिकारीको सरुवा

कान्तिपुर संवाददाता

काठमाडौँ — निर्वाचन आयोगमा नेकपाको विवादसम्बन्धी कागजात अध्ययन गरिरहेका तथा आयोगका पदाधिकारीसमक्ष आफ्नो राय प्रस्तुत गर्दै आएका कानुन तथा राजनीतिक दल महाशाखाका प्रमुख सहसचिव लक्ष्मीप्रसाद गौतमको हठात् सरुवा गरिएको छ ।

उनलाई बुधबार काज सरुवासम्बन्धी पत्र थमाइएको छ । कानुन मन्त्रालयको निर्णयबाट उनलाई कानुन आयोगमा सरुवा गरिएको हो ।

नेकपाको विवाद बढेपछि आयोगमा उनले प्रारम्भदेखि नै दुवै पक्षबाट आएका कागजातको अध्ययन गरिरहेका थिए । उनको ठाउँमा गृह मन्त्रालयमा रहेका कानुनका सहसचिव पुष्कर सापकोटालाई पठाइएको छ । बुधबार आयोग पुगेका दाहाल–नेपाल पक्षका नेताहरूले हठात् रूपमा कानुन महाशाखा प्रमुखको सरुवा गरिएको प्रति आयोगका पदाधिकारीसमक्ष असन्तुष्टि पोखेका थिए । उनीहरूले यसले आयोगको कामकारबाहीलाई लिएर शंका उत्पन्न गराएको उल्लेख गरेका थिए ।

आयोग स्रोतका अनुसार सहसचिव गौतम ऐन र नियमले तोकेको भन्दा बाहिर गएर काम गर्न नसक्ने अडान राख्न सक्ने क्षमताका अधिकारी मानिन्छन् ।

प्रकाशित : माघ १, २०७७ ०८:१७
प्रतिक्रिया
पठाउनुहोस्

आमाको हत्या

वीरेन्द्र केसी

अर्घाखाँची — सन्धिखर्क नगरपालिका–१ तुम्कोटका २३ वर्षीय विमल नेपालीले ५५ वर्षीय आमा हिराकुमारीलाई कुटपिट गरेर  हत्या गरेका छन् ।

बाहिरबाट मदिरा सेवन गरी साँझ घरमा आएका विमलले आमासँग झगडा गरेर बुधबार राति ११ बजेतिर घरेलु हतियारले टाउकोमा हानेर हत्या गरेको प्रहरीले जनाएको छ ।

विमललाई प्रहरीले नियन्त्रणमा लिएको छ । ‘बुधबार दिउँसो मासु लिन जान्छु’ भनी घरबाट हिँडेका विमलले साँझ मासु नल्याई मदिरा सेवन गरेर आएपछि आमासँग झगडा गरेपछि टाउकोमा हानेर हत्या गरेको प्रहरी निरीक्षक रामनारायण गुप्ताले बताए ।

प्रकाशित : माघ १, २०७७ ०८:१६
पूरा पढ्नुहोस्
प्रतिक्रिया
पठाउनुहोस्
×