मनाङको डढेलो नियन्त्रण गर्दै सेना- समाचार - कान्तिपुर समाचार
कान्तिपुर वेबसाईट
AdvertisementAdvertisement

मनाङको डढेलो नियन्त्रण गर्दै सेना

इकान्तिपुर डेस्क

काठमाडौं — मनाङको नासों गाउँपालिका-८ ताजे गाउँस्थित जंगलमा लागेको आगो नियन्त्रणका लागि नेपाली सेना खटिएको छ ।

रणदल गुल्मबाट खटिएको नेपाली सेनाको टोलीले अन्य सुरक्षा निकायहरुसँगको सहकार्यमा उक्त जंगल नजिकै रहेको नेपाल टेलिकमको टावरतर्फ बढ्दै गएको आगो नियन्त्रण गर्न सफल भएको जनाएको छ ।

अधिकांस जमिन अप्ठेरो भएका कारण आगलागी पूर्ण रुपमा नियन्त्रणमा आउन नसकेको सेनाले जनाएको छ ।

मनाङमा मंसिर ११ देखि आगलागी भइरहेको छ । आगलागी भइरहेको ठाउँ हिउँ पर्ने र जम्ने ठाउँ हो । तर यस वर्ष हिउँ खासै परेको छैन । एक साताअघि भ्राताङदेखि माथिल्लो क्षेत्रमा मात्रै हिमपात भएको थियो । आगलागी भइरहेको ठाउँ अन्नपूर्ण संरक्षण क्षेत्र आयोजना (एक्याप) को संरक्षित क्षेत्रभित्र पर्छ । एक्यापको धारापानी चेकपोस्टका पर्यटन सहायक क्षेत्र गुरुङका अनुसार आगलागी डरलाग्दो गरी फैलिएको छ । मर्स्याङ्दीको किनारदेखि पहाडको टुप्पोसम्म जंगल सखाप बनाएको छ ।

आगलागी फैलिएर ३ हजार ५ सय मिटर उचाइसम्म पुगेको छ । तर आगलागी भएको सबै ठाउँमा पुग्न भने नसकिएको बताउँछन् एक्याप लमजुङका प्रमुख लेखनाथ गौतम । ‘मनाङमा तापक्रम रातको समयमा माइनस छ ।

आगो निभाउन बेल्चा, गैंची, आगो निभाउने साधन, स्याउलालगायत प्रयोग गरिएको छ ।

यो पनि पढ्नुहोस्ः

माइनस तापक्रममा मनाङमा डढेलो

प्रकाशित : पुस २९, २०७७ १८:०३
प्रतिक्रिया
पठाउनुहोस्

ओलीले डमरु बजाउँदै केन्द्रीय कमिटी सदस्य बाँडिरहेका छन् : नेता नेपाल

कान्तिपुर संवाददाता

काठमाडौँ — नेकपा (दाहाल-नेपाल) पक्षका अध्यक्ष माधवकुमार नेपालले प्रधानमन्त्री केपी ओलीले डमरु बजाउँदै केन्द्रीय कमिटी सदस्य बाँडिरहेको आरोप लगाएका छन् । 

नेकपा काठमाडौं जिल्ला कमिटीद्वारा बुधबार आयोजित कार्यकर्ता भेलामा अध्यक्ष नेपालले ओलीको पार्टी सडकको धूलोमा परिणत हुनेसमेत दाबी गरे । प्रधानमन्त्री ओलीले सर्वसत्तावादी र निरंकुश चरित्र देखाएको उनको आरोप छ । नेतृत्वमा पुगेपछि सबैलाई समेटेर अघि बढ्नुपर्नेमा त्यसो नगरिएको भन्दै नेपालले मन्त्रीहरुको अधिकार खोसेर मन्त्रीहरुको अपमान गरिएको तथा सचिवहरुमार्फत सरकार चलाउन थालेको टिप्पणी गरे ।

उनले ओलीले मदन भण्डारी फाउन्डेशनमार्फत पार्टीमा समानान्तर गतिविधि विगतदेखि नै निरन्तर चलाइरहेको र नयाँ पार्टी बनाउने अभ्यास पहिलेदेखि नै सुरु गरेको बताए । पार्टीलाई विधिमा चलाएर नेपाली राजनीतिको बलियो खम्बाको रुपमा पार्टीलाई स्थापित गराउँ भन्ने आफूहरुको प्रस्ताव प्रधानमन्त्री ओलीले नमानेको उनको भनाइ छ ।

उनले ओलीलाई विध्वंसकारी मान्छे र कहिल्यै पनि बनाउने काम नगरेको टिप्पणी गर्दै झापादेखि जेल हुँदै जेलबाट निस्किएपछि पनि पार्टीमा समस्यामात्रै खडा गरेको आरोप लगाए ।

प्रकाशित : पुस २९, २०७७ १७:५३
पूरा पढ्नुहोस्
प्रतिक्रिया
पठाउनुहोस्
×